Na trasie ŭ Viciebskaj vobłaści zrobiać masty-tuneli dla dzikich žyvioł
U Viciebskaj vobłaści praciahvajecca maštabnaja rekanstrukcyja aŭtadarohi R46, jakaja złučaje Lepiel i Połack. Padčas budaŭnictva vykarystoŭvajuć jak zvykłyja technałohii, tak i novyja rašeńni, piša BiełTA.
Raboty pačalisia ŭ listapadzie 2024 hoda. Za hety čas užo adkryli kala 30 kiłamietraŭ darohi — ad Połacka da vioski Saročyna. Jašče prykładna taki ž učastak płanujuć zaviaršyć da vosieni, kab całkam abnavić trasu da Lepiela.
Padčas budaŭnictva vykarystoŭvajuć jak zvykłyja technałohii, tak i novyja rašeńni. Naprykład, upieršyniu tut robiać śpiecyjalnyja pierachody dla dzikich žyvioł. Nad darohaj uzvodziać svojeasablivyja masty z tunelami, pad jakimi buduć prachodzić łasi, kazuli i aleni. Uzdoŭž lasnych učastkaŭ staviać tryvałyja aharodžy, kab žyvioły nie vybiahali raptoŭna na darohu, a išli da biaśpiečnych pierachodaŭ.
Prajekt vielmi bujny: na im pracuje kala 70 čałaviek i dziasiatki adzinak techniki. Častka rabočych pryjazdžaje štodnia, inšyja pracujuć vachtavym mietadam.
Asobnaja ŭvaha nadajecca vodaadvodu. Kab vada nie zatrymlivałasia i nie ŭtvarałasia bałotaŭ, praz kožnyja 600—700 mietraŭ staviać śpiecyjalnyja truby roznaha dyjamietra. Staryja materyjały taksama vykarystoŭvajuć paŭtorna — bieton pierapracoŭvajuć i ŭžyvajuć dla ŭmacavańnia ŭzbočyn.
Darožnaje pakryćcio robiać šmatsłojnym: spačatku zdymajuć častku staroha asfaltu, potym układvajuć ščebień, nižni i vierchni płasty asfaltabietonu. Paśla rekanstrukcyi šyrynia darohi składzie kala 12 mietraŭ. Choć pałos ruchu zastaniecca dźvie, prapusknaja zdolnaść i biaśpieka istotna pavialičacca.
Akramia samoha pakryćcia, staviać barjernyja aharodžy, aśviatleńnie, piešachodnyja elemienty, aŭtobusnyja prypynki i sotni darožnych znakaŭ. Taksama pravodzicca ramont mosta praz raku Vydryca.
Usiaho na abjekcie płanujecca vykarystać bolš za miljon ton roznych materyjałaŭ, uklučajučy hrunt i asfalt.
Dla biaśpieki kiroŭcaŭ padčas rabot ruch častkova arhanizavany pa adnoj pałasie sa śviatłaforami. Paśla zaviaršeńnia budaŭnictva naniasuć znosastojkuju raźmietku, u tym liku tak zvanuju «hučnuju» — jana dapamahaje kiroŭcam nie zasnuć za rulom.
Na realizacyju prajekta ŭ hetym hodzie vydzielena kala 90 miljonaŭ rubloŭ. U cełym u Viciebskaj vobłaści płanujuć jašče bolš pavialičyć finansavańnie darožnych rabot i praciahnuć madernizacyju inšych tras.
Pieršaha namieśnika hiendyrektara «Biełviesta» pasadzili na try z pałovaj hady za palityku6
Pieršaha namieśnika hiendyrektara «Biełviesta» pasadzili na try z pałovaj hady za palityku
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1717
Kamientary
upieršyniu dzie? chiba što ŭ rajonie, bo ekaduki ŭ krainie ŭžo daŭno jość (darečy pieršy pabudavali dvaccać hadoŭ tamu na susiedniaj M3 u Biarezinskim bijaśfiernym)
>Prajekt vielmi bujny: na im pracuje kala 70 čałaviek i dziasiatki adzinak techniki.
usio adnosna, bujny chiba što ŭ paraŭnańni z adsutnaściu budaŭnictva daroh
>Asobnaja ŭvaha nadajecca vodaadvodu. Kab vada nie zatrymlivałasia i nie ŭtvarałasia bałotaŭ, praz kožnyja 600—700 mietraŭ staviać śpiecyjalnyja truby roznaha dyjamietra.
heta ŭ bałocistych miaścinach? kali navat u Miensku navat bieź Niamihi standartnyja intervały po 30 mietraŭ budujucca z ulikam "adzin dzień u hadu moža tapić i heta norma"?
>šyrynia darohi składzie kala 12 mietraŭ. Choć pałos ruchu zastaniecca dźvie, prapusknaja zdolnaść i biaśpieka istotna pavialičacca.
u jakoj fizicy pavialičennaja chutkaść na šašy biez (vidavočna) padzialalnika dy źmien kolkaści pałos zabiaśpiečvaje bolšuju biaśpieku rucha??? Vision Zero, nia słychaŭ? Abo heta dziela kamier siaredniaj chutkaści (ličy, jašče hrošaŭ papilić)?
Reziume: navošta NN pieradrukoŭvać dziaržaŭnyja śmietnicy, chiba nie samoj stać joju? Navat ŠI zmoža lepš pieradać sutnaść biez hetych dziaržzvarotaŭ dy savdepaŭski-usłaŭlajemych skazaŭ