MZS Biełarusi asudziła «ŭzbrojenuju ahresiju» suprać Vieniesueły, ale, u adroźnieńnie ad Łukašenki, nie nazvała ahresara
Pasolstva ŭ Karakasie pracuje ŭ štatnym režymie. Dypłamaty manitorać situacyju ź biełaruskimi hramadzianami.
«Ministerstva zamiežnych spraŭ Respubliki Biełaruś kateharyčna asudžaje ŭzbrojenuju ahresiju, učynienuju 3 studzienia 2026 hoda suprać suvierennaj dziaržavy Vieniesueła, i razhladaje jaje jak pramuju pahrozu mižnarodnamu miru i biaśpiecy.
Biełaruski bok zajaŭlaje ab svajoj niepachisnaj padtrymcy zakonnaha ŭrada Vieniesueły i dałučajecca da zakliku ab terminovym sklikańni Rady biaśpieki AAN, na jakuju ŭskładzienaja hałoŭnaja adkaznaść za padtrymańnie miru.
Dypłamatyčnaja misija Biełarusi ŭ Karakasie pracuje ŭ štatnym režymie, jaje piersanał u biaśpiecy. Viadziecca rabota dla manitorynhu situacyi ź biełaruskimi hramadzianami. Infarmacyja ab ekstremalnych zdareńniach ź imi nie pastupała.
Respublika Biełaruś padkreślivaje: prava vieniesuelskaha naroda samastojna vyznačać svoj los źjaŭlajecca nieparušnym. Nijakija formy źniešniaha ŭmiašańnia, asabliva siłavoha, nie mohuć być apraŭdanyja», — zajavili ŭ MZS Biełarusi.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram13
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2020
Kamientary