Pres-sakratarka Łukašenki da svajho pryznačeńnia viała naviny na BT. U dakumientalnym filmie «70 hadoŭ razam z vami! Jubilej biełaruskaha telebačańnia» Ejsmant zhadała pra toje, jak trapiła na Makajonka.
Na BT Natalla Sialun (heta dziavočaje proźvišča pres-sakratarki Łukašenki) pryjšła studentkaj 4‑ha kursa Akademii mastactvaŭ.
«Dobra pamiataju suflor, listy, sam stoł i abstanoŭku, jakaja panavała vakoł. Mnie dali pračytać tekst — pračytała. Paśla hetaha mnie absalutna, miakka kažučy, spakojna i niedzie abyjakava skazali: «Dobra, čakajcie. U nas ludziej šmat, na telebačańni pracavać chočuć, my vam patelefanujem», — zhadvaje svoj kastynh Natalla Ejsmant
Ale ŭ toj ža dzień dziaŭčyna atrymała zvarotnuju suviaź, nie paśpieŭšy navat dajechać dadomu.
«Pomniu, što kali padjazdžała da prypynku, razdaŭsia zvanok ź nieznajomaha numara na mabilny telefon. Ja adkazała i pačuła: «My zaprašajem vas zaŭtra pačać navučańnie ŭ Biełteleradyjokampanii, pačać stažyravacca i, kali ŭsio budzie dobra, sieści ŭ kresła viadoŭcy navin», — raskazała jana.
Z novaj pracaj u maładoj aktorki Natalli Sialun źjaviłasia i novaje proźvišča. Jana ŭziała sabie psieŭdanim Kirsanava. Spačatku viadoŭca pracavała ŭ prahramach «Dziełavoje žyćcio» i «Naviny rehijona», a paśla pajšła na pavyšeńnie ŭ «Panaramu» i «Hałoŭny efir».
Na BT Sialun-Kirsanava paznajomiłasia z maładym viadoŭcam Ivanam Ejsmantam. Jon, były kapitan milicyi z Hrodzienskaj vobłaści, pryjšoŭ na kastynh pa pratekcyi svajoj siastry Hanny, jakaja viała naviny sportu. Cikava što Ejsmant taksama pracavaŭ u kadry pad psieŭdanimam, źmianiŭšy proźvišča na Michajłaŭ. Jon vioŭ naviny sportu, a taksama prahramy nakštałt «Zony X» ci «Śfiery intaresaŭ». Ciapier Ivan Ejsmant uznačalvaje Biełteleradyjokampaniju.
Ciapier čytajuć
U 2020 hodzie jabaćka Amina «aktyŭna hałasavała» za Łukašenku. A ciapier nie razumieje, čamu rodnaja maci na jaje daniesła, a milicyja zatrymała35
Kamientary
A Michajłaŭ - naohuł samy papularny apieratyŭny psieŭdanim.