«Praź piać chvilin užo viedaŭ ministr». Saładucha raskazaŭ pra strašnuju avaryju hod tamu
Za styrnom byŭ syn śpievaka, a sam Saładucha jechaŭ niepryšpileny.
U śniežni 2024 hoda śpiavak Alaksandr Saładucha z synami trapiŭ u strašnaje DTZ. Mašyna niekalki razoŭ pierakuliłasia. Avaryja adbyłasia kala Oršy, a pryčynaj taho, što aŭto vylecieła z trasy, stała ślizkaja daroha.
U niadaŭnim intervju ANT Saładucha raskazaŭ bolej pra toje DTZ.
Za styrnom tady byŭ jahony syn Alaksandr, a syn Anton siadzieŭ zzadu. Syny byli pryšpilenyja, a sam Saładucha nie.
«U mianie Aleh (biełaruski kampazitar Aleh Jelisiejenkaŭ, jaki pamior u kastryčniku 2024 hoda. — NN) milhanuŭ pierad vačyma. Dumaŭ, pajdu. Voś litaralna niekalki siekund», — dzielicca Saładucha.
«Kali my potym zajechali na zapraŭku, nam dali mašynu ad dyrektara taho zavoda, dzie my vystupali, dva kiroŭcy. My zajechali na zapraŭku, pamylisia, pačyścilisia. Ja zajšoŭ mycca i ŭ mianie takaja dumka pryjšła, ja potym jaje ŭspomniŭ. Napeŭna, Haspodź Boh voś tak rasparadziŭsia i skazaŭ źvierchu: vam jašče rana».
Saładucha kaža, što praź piać chvilin pra zdareńnie ŭžo viedaŭ ministr achovy zdaroŭja Alaksandr Chadžajeŭ, bo biełarusy i rasiejcy, jakija prybiehli z trasy i dastavali śpievaka z aŭto, adrazu jaho paznali.
Ciapier čytajuć
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary