Vice-prezidentka Vieniesueły: Jość tolki adzin prezident, i jaho imia Nikałas Madura
Vice-prezidentka Vieniesueły Dełsi Radryhies vystupiła sa zvarotam da naroda. Tranślacyja była z Karakasa, choć raniej Reuters paviedamlała, što Radryhies u Rasii.
Radryhies zajaviła, što pačała dziejničać rada abarony Vieniesueły, a ŭrad hatovy abaraniać krainu. Jana zaklikała da spakoju i adzinstva.
Jana taksama asudziła apieracyju ZŠA pa zachopie Nikałasa Madura i patrabavała vyzvaleńnia jaho i žonki.
«U Vieniesuele jość tolki adzin prezident, i jaho imia Nikałas Madura», — skazała Radryhies.
«My nikoli bolš nie budziem kałonijaj», — adznačyła jana.
Zvarot tranślavaŭsia z Karakasa, choć raniej Reuters paviedamlała, što Radryhies u Rasii. Radryhies siadzieła pobač z vysokapastaŭlenymi dziaržaŭnymi dziejačami, uklučajučy ministra ŭnutranych spraŭ Dyjazdada Kabieljo, staršyni Nacyjanalnaj asamblei Chorchie Radryhiesa i niekalkich vajenačalnikaŭ.
Raniej Donald Tramp padčas pres-kanfierencyi zajaviŭ, što Dełsi Radryhies praviała telefonnuju razmovu ź dziaržsakratarom ZŠA Marka Rubia i Karakas hatovy da supracoŭnictva z Vašynhtonam.
Kamientary