Віцэ-прэзідэнтка Венесуэлы: Ёсць толькі адзін прэзідэнт, і яго імя Нікалас Мадура
Віцэ-прэзідэнтка Венесуэлы Дэлсі Радрыгес выступіла са зваротам да народа. Трансляцыя была з Каракаса, хоць раней Reuters паведамляла, што Радрыгес у Расіі.
Радрыгес заявіла, што пачала дзейнічаць рада абароны Венесуэлы, а ўрад гатовы абараняць краіну. Яна заклікала да спакою і адзінства.
Яна таксама асудзіла аперацыю ЗША па захопе Нікаласа Мадура і патрабавала вызвалення яго і жонкі.
«У Венесуэле ёсць толькі адзін прэзідэнт, і яго імя Нікалас Мадура», — сказала Радрыгес.
«Мы ніколі больш не будзем калоніяй», — адзначыла яна.
Зварот трансляваўся з Каракаса, хоць раней Reuters паведамляла, што Радрыгес у Расіі. Радрыгес сядзела побач з высокапастаўленымі дзяржаўнымі дзеячамі, уключаючы міністра ўнутраных спраў Дыяздада Кабельё, старшыні Нацыянальнай асамблеі Хорхе Радрыгеса і некалькіх ваеначальнікаў.
Раней Дональд Трамп падчас прэс-канферэнцыі заявіў, што Дэлсі Радрыгес правяла тэлефонную размову з дзяржсакратаром ЗША Марка Рубіа і Каракас гатовы да супрацоўніцтва з Вашынгтонам.
Мінчук забіў маці і цесця, а пасля 15 гадоў атрымліваў за іх пенсію1
Каментары