Voś čamu na zvarocie Cichanoŭskaj nie było Bialackaha i Cichanoŭskaha
Razam sa Śviatłanaj Cichanoŭskaj biełarusaŭ sioleta vinšavali z Novym hodam Maryja Kaleśnikava, Pavieł Sieviaryniec i Pavieł Łatuška. Ale nasamreč heta koła pavinna było być šyrejšaje, dy ŭmiašalisia abstaviny.
Jak stała viadoma «Našaj Nivie», u vinšavańni pavinny byli taksama ŭdzielničać jašče dva vyzvalenyja ŭ 2025 hodzie palitviaźni — muž Śviatłany Siarhiej Cichanoŭski i nobieleŭski łaŭreat Aleś Bialacki. Ale im nie dazvolili heta zrabić abstaviny: Siarhiej Cichanoŭski ŭ dzień zapisu videazvarotu akurat byŭ u avijapieralocie, a Aleś Bialacki źloh ź ciažkim hrypam.
Sam zapis płanavaŭsia na siaredzinu śniežnia, ale daviałosia pieranieści jaho na kaniec miesiaca, kali stała viadoma pra niečakanaje vyzvaleńnie palitviaźniaŭ. Arhanizatary pastaralisia sabrać ich razam, a ŭdałosia heta tolki 27 śniežnia. U vyniku na mantaž zvarotu zastavalisia ličanyja hadziny. Na ščaście, Cichanoŭskaja zaŭsiody zapisvajecca ź pieršaha dubla.
I jašče z realij našaha žyćcia: Pavieł Sieviaryniec pakul nie nabyŭ harnitura, tamu zapisvaŭsia ŭ pinžaku Franaka Viačorki.
Cichanoŭskaja pavinšavała biełarusaŭ razam z Kaleśnikavaj, Sieviaryncam i Łatuškam
Cichanoŭski ŭ navahodnim zvarocie zaklikaŭ da «finlandyzacyi», daravańnia tym, «kaho paputaŭ bies», i pavahi da Trampa
U Cichanoŭskich pieršy siamiejny Novy hod za 5 hadoŭ. Jak staviać jalinku i chto budzie narazać sałaty?
Ciapier čytajuć
Daišnik, jakoha źbiŭ mašynaj piensijanier pad Minskam, pamior u balnicy. Jamu zładzili pyšnaje pachavańnie18
Kamientary
[Zredahavana]
[Zredahavana]