Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
Śledstva nazvała papiaredniuju pryčynu žudasnaha pažaru, jaki adbyŭsia ŭ navahodniuju noč na šviejcarskim kurorcie Kran-Mantana. Pavodle asnoŭnaj viersii, trahiedyja, što zabrała žyćci 40 čałaviek, adbyłasia z-za bienhalskich ahnioŭ, jakimi ŭpryhožyli butelki z šampanskim.
Pra heta paviedamlaje Deutsche Welle.
Trahiedyja zdaryłasia ŭ bary Le Constellation kala 1:30 nočy 1 studzienia, kali hości śviatkavali nadychod Novaha hoda.
«Usio śviedčyć pra toje, što pažar pačaŭsia z-za bienhalskich ahnioŭ, prymacavanych da butelek z šampanskim. Jany akazalisia zanadta blizka da stoli», — zajaviła hienieralny prakuror kantona Vale Bieatrys Piłu.
Jašče adnym faktaram, jaki spryjaŭ katastrafična chutkamu raspaŭsiudžvańniu ahniu, stała toje, što stol była pakrytaja akustyčnaj pienaj — jana imhnienna ŭspychnuła. Śledčyja vyklučyli viersii terakta ci naŭmysnaha padpału.
Achviary i śviedčańni vidavočcaŭ
Achviarami trahiedyi stali pieravažna maładyja ludzi. Vidavočcy raskazvajuć pra žachlivyja sceny: ludzi vybiahali z pałajučaha bara i sprabavali tušyć na sabie vopratku ŭ śniezie.
Na hety momant paćvierdžana hibiel 40 čałaviek. Niekatoryja cieły abhareli da niepaznavalnaści, ludziej sprabujuć ustanavić pa mietaličnych aksesuarach. Siarod zahinułych apaznany 16‑hadovy prafiesijny halfist ź Italii Emanuele Halepini.
Jašče 119 čałaviek atrymali ranieńni i apioki, mnohija ź ich u vielmi ciažkim stanie. Siarod paciarpiełych — 71 šviejcarac, 14 francuzaŭ i 11 italjancaŭ. Kala 50 čałaviek z najbolš ciažkimi apiokami byli pieraviedzieny ŭ śpiecyjalizavanyja centry za miažoj, u tym liku ŭ balnicy Bierlina, Štutharta i Ludvihschafiena.
Mnohija siemji dahetul nie viedajuć pra los svaich blizkich. Baćki źnikłych bieź viestak padletkaŭ i zamiežnyja pasolstvy sprabujuć vyśvietlić, ci nie apynulisia ich hramadzianie siarod zahinułych.
Reakcyja ŭładaŭ
U Šviejcaryi abvieščana piacidzionnaja nacyjanalnaja žałoba. Mer Kran-Mantany Nikala Fero paviedamiŭ, što na identyfikacyju ŭsich zahinułych i ŭdakładnieńnie kančatkovaj kolkaści achviar spatrebicca niekalki dzion.
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
-
Dźmitryj Miadźviedzieŭ: Finlandyi daviadziecca zapłacić za svaju miarzotnuju rusafobiju
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary