«Kamunarka» paabiacała vypuścić «dubajskija» cukierki pa aryhinalnym recepcie
Na minskaj «Kamunarcy» raskazali žurnalistam vydańnia Telegraf.news, čym źbirajucca paradavać łasunoŭ u 2025 hodzie.
Za bahaćcie raznastajnych smakaŭ na «Kamunarcy» adkazvajuć śpiecyjalisty, jakija pravodziać analiz taho, što ŭžo jość na palicach, i taho, što papularna za miažoj. Supastaŭlajučy zapatrabavanaść roznych načyńniaŭ, ekśpierty vyrašajuć, što zapuścić u sieryjnuju vytvorčaść, a što nie.
Akramia taho, na fabrycy pravodziać apytańni: svaju prapanovu možna adpravić na poštu ci prajavić aktyŭnaść u sacsietkach.
«Naprykład, u tyktoku i instahramie ludzi daŭno prosiać šakaład ź miataj. Mahu skazać, my pracujem nad hetym pytańniem. U 2025 hodzie biełarusaŭ čakaje navinka — cukierki «Dubajskija». Recept budzie aryhinalny, ničoha mianiać nie staniem», — paabiacała hałoŭny technołah SAAT «Kamunarka» Iryna Macyhud.
Praŭda, paśla vypusku pakaštavać ich možna budzie daloka nie ŭsiudy: praz karotki termin prydatnaści (usiaho 2 tydni) płanujecca, što jany źjaviacca tolki ŭ firmovych kaviarniach pradpryjemstva. Ich usiaho 11: vosiem u Minsku, i jašče pa adnoj u Hrodnie, Babrujsku i Breście.
U 2024 hodzie sacyjalnyja sietki zapoŭnili videa i publikacyi pra dubajski šakaład. I choć jahony bum užo nibyta prajšoŭ, desiert pieryjadyčna ŭspaminajuć, a taksama sprabujuć paŭtaryć recept.
Dubajski šakaład — heta chrumstkaja słodyč, jakaja ŭklučaje ŭ siabie małočny šakaład, ciesta kataifi, fistaškavuju abo kunžutnuju pastu. Aryhinalnyja plitki vyrablajuć uručnuju ŭ kampanii z AAE Fix Dessert Chocolatier.
Papularnaść dubajskaha šakaładu, vierahodna, abumoŭlena niezvyčajnymi inhredyjentami, chrumstkim načyńniem i davoli vysokaj canoj. Naprykład, na sajcie vytvorcy adrazu 6 štuk pa 200 hram pradajuć za 120 dalaraŭ. Heta značyć, 1 plitka kaštuje 20 dalaraŭ.
Canu na «dubajskija» cukierki vytvorčaści «Kamunarki» žurnalistam Telegraf.news nie raskryli.
«Jak z salonaj karamiellu». Biełarus apublikavaŭ recept papularnaha dubajskaha šakaładu, ale z dranikam
180 rubloŭ za kiłahram, a smak jak u jełki: zdajecca, znajšlisia samyja darahija cukierki ŭ Minsku
«Heta jak druhoje dzicia». Byłaja madel pierajechała ŭ Iran, a paśla viarnułasia ŭ Biełaruś z šakaładnym biznesam
Biełaruska pryviezła na adpačynak u Dubaj poŭny čamadan praduktaŭ
Ciapier čytajuć
20-hadovaja dziaŭčyna z Bresta zapisała žartaŭlivy tyktok pra śmierć u DTZ — i ŭ toj ža viečar raźbiłasia6
Kamientary
Tolko čistyj šokoład pozvolajet połučať nasłaždienije vkusom.