Ekanomika2323

Vytvorcy ałkaholu panikujuć: moładź da 25 hadoŭ amal nie pje, pryčym va ŭsich krainach

Zumiery traciać na ałkahol u 2—2,5 razy mienš, čym starejšyja pakaleńni. Heta ŭpłyŭ internet-aśviety i mody na zdarovy ład žyćcia.

Pakaleńnie zumieraŭ, da jakoha adnosiać ludziej, jakija naradzilisia pamiž 1997 i 2012 hadami, zusim nie ciahniecca da ałkaholu.

Tak, adpaviedna apytańniu, praviedzienamu siarod moładzi ŭ Hiermanii,

tolki kožny treci (32%) ad 18 da 25 hadoŭ zajaviŭ, što ŭžyvaje ałkahol nie radziej jak adzin raz na tydzień. Dva dziesiacihodździ tamu, u 2004 hodzie, takich było amal pałova (44%). Siarod moładzi ad 12 da 17 hadoŭ adbyłosia źnižeńnie bolš čym u dva razy — z 21% u 2004 da 9% u 2021-m.

Padobnaja tendencyja nazirajecca ŭ ZŠA. Tak analiz, jaki praviało vydańnie Business Insider, pakazaŭ, što vydatki nasielnictva na ałkaholnyja napoi za apošnija niekalki dziesiacihodździaŭ skaracilisia, asabliva siarod amierykancaŭ maładziejšych za 25 hadoŭ. Tolki vydatki na vino pakazali nievialiki rost.

Statystyka śviedčyć, što ŭ 2023 hodzie pakaleńnie zumieraŭ vydatkavała na ałkahol 329 dołaraŭ za hod, što amal u dva razy mienš za ludziej va ŭzroście ad 25 da 34 hadoŭ (654 dołary) i ŭ dva z pałovaj razy mienš za tych, kamu ciapier 44-54 hady (817 dołaraŭ). Vydatki maładych amierykancaŭ da 25 hadoŭ na ałkahol prykładna takija ž, jak u tych, kamu za 75 (363 dołary).

Realnyja siarednija vydatki na ałkaholnyja napoi žycharoŭ ZŠA ŭ 2023 hodzie. Čyrvonym koleram paznačana spažyvańnie moładzi da 25 hadoŭ. Krynica: Business Insider

Padobnaja tendencyja nazirajecca i ŭ Rasii. Tak, pa danych Vyšejšaj škoły ekanomiki za 2024 hod, amal pałova maładych ludziej da 25 hadoŭ u krainie nie ŭžyvajuć ałkaholu. U toj čas, jak siarod ludziej va ŭzroście 26-60 hadoŭ dola niepituščych składaje tolki kala traciny. 

Jak adznačajuć śpiecyjalisty, moładź addaje pieravahu słabaałkaholnym i biezałkaholnym napojam. Za košt hetaha siehmienta pakupnikoŭ u śviecie rastuć prodažy kaktejlaŭ, lohkich vinaŭ, piva i sidru. Pa danych analityčnaj kampanii International Wine and Spirits Research (IWSR), ciapier rynak hatovych kaktejlaŭ u blašankach siarod usich siehmientaŭ ałkaholu najbolš chutka raście.

Skaračeńnie vydatkaŭ na ałkahol siarod moładzi adlustroŭvaje źmienu zvyčak i pryjarytetaŭ pakaleńnia Z u paraŭnańni z papiarednikami. Mnohija maładyja ludzi kažuć, što dbajuć ab svaim zdaroŭi, kali tłumačać, čamu jany nie pjuć. Zamiest pjanak pakaleńnie Z bolš zajmajecca sportam, bolš vučycca i pieradusim bolš času kamunikuje ŭ sacsietkach — jakija taksama stali hałoŭnaj krynicaj viedaŭ i madelaŭ pavodzin.

Jak adznačajuć ekśpierty, zumiery stali hałoŭnaj pahrozaj suśvietnaj vytvorčaści ałkaholu. Ałkaholnaja industryja ciapier bolš aryjentujecca na starejšyja pakaleńni.

Kamientary23

  • Prosta ličby
    06.01.2025
    329-817$ u hod na ałkahol? Heta ž 544-1352 litraŭ piva "Zołotaja kružka" ci anałahičnaha, kali kuplać u PET butelkach (3.99 BYN/1.9litra). To bok, samyja "niepituščyja" maładziony zalivajuć paŭtaračku biełaruskaha piva kožny dzień :))) A staryja jašče bolš.
  • Bajarka
    06.01.2025
    U rasiei spažyvańnie ałkahalu farmalna nizkaje siarod moładzi tolki tamu, što rasiejskaja moładź vybiraje bajarku, a bajarka farmalna nie ałkahalny vyrab, a lek.
  • Sum
    06.01.2025
    Na miefiedron šmat idzie.
    Voś na vino i nie chapaje.

Ciapier čytajuć

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Usie naviny →
Usie naviny

«Prapanavaŭ hrošy». Biełaruska raspaviała, jak KDB sprabavaŭ jaje vierbavać1

Iranskija rakiety zabili 5 čałaviek u Izraili, bolš za 80 paranienyja. Celi byli vypadkovyja2

«U naš čas u Chrysta była b žoŭtaja birka». Były palitviazień Alaksandr Tarasienka raspavioŭ pra svoj dośvied za kratami2

«Uratavali zatory». Studentka spaźniłasia na fatalny rejs Air India usiaho na 10 chvilin, i jaje nie puścili na bort3

Ajatała Chamieniei: Izrail adkaža za hetyja ataki3

Vyrašyŭ praskočyć pierakryžavańnie na vialikaj chutkaści i ledź nie źbiŭ dzicia2

«Da hetaha času nie vieru, što vyžyŭ». Raspovied adzinaha vyžyłaha ŭ katastrofie samalota Air India, jaki raźbiŭsia ŭ Achmiedabadzie

Chłopca, jaki ŭ Lebiedzievaj beściŭ Jeŭropu, asudzili za ŭdzieł u pratestach i ŭchileńnie ad vojska6

Łukašenka zapatrabavaŭ ad vajskoŭcaŭ vynajści cud-mašynu dla baraćby z dronami9

bolš čytanych navin
bolš łajkanych navin

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku

Hałoŭnaje
Usie naviny →

Zaŭvaha:

 

 

 

 

Zakryć Paviedamić