U pieraliku na absalutny ałkahol na dušu nasielnictva va ŭzroście ad 15 hadoŭ u Biełarusi prypadaje 10,9 ł śpirtnoha ŭ hod. Pryčym, pavodle źviestak Biełstata, jakija apublikavaŭ Myfin, samymi zapatrabavanymi zastajucca mocnyja napoi.
U naturalnym vyražeńni ŭ 2023 hodzie siaredni darosły biełarus vypivaŭ 11,5 ł ałkaholu. Pryčym samymi pituščymi źjaŭlajucca Mahiloŭskaja i Viciebskaja vobłaści. Tam hetaja ličba składaje 12,5 i 12,2 ł adpaviedna. A mienš za ŭsio pjuć ałkaholnyja napoi ŭ Homielskaj vobłaści — 11 ł.
Pa statystycy ŭ pieraliku na absalutny ałkahol bolš za 52% u ahulnym spažyvańni śpirtnoha ŭ Biełarusi prypadaje na harełku i likiora-harełačnyja vyraby, krychu bolš za 22% — na piva. Dola vinahradnych vinaŭ składaje kala 4,5%, a voś čarniła — bolš za 10%. Na šampanskaje prypadaje mienš za 3%.
Cikava, što i ŭ absalutnych ličbach, i ŭ pieraliku na čysty ałkahol spažyvańnie śpirtnoha ŭ Biełarusi źnižajecca ŭžo jak minimum dva hady. Heta adpaviadaje vysnovam sacyjołahaŭ, jakija ličać, što spažyvańnie śpirtnoha ŭ krainie budzie skaračacca i dalej.
-
Bolš za 60 čałaviek zatrymanyja paśla kancerta Maksa Karža ŭ Frankfurcie-na-Majnie. Sa sceny śpiavak zaklikaŭ spynić vajnu va Ukrainie
-
Ryžankoŭ spadziajecca na paciapleńnie adnosin z Polščaj
-
Protaijerej Andrej Lemiašonak paskardziŭsia na pravierki. I nazvaŭ pajezdki manašak Śviata-Jelisaviecinskaha manastyra pa Jeŭropie «hieraičnymi»
Kamientary