MNS paviedamlaje, što ŭ Biełarusi ŭžo jość paciarpiełyja ad fiejervierkaŭ. Za adny sutki paranienyja byli dva čałavieki.
Učora ŭ Baranavičach dzicia 2014 hoda naradžeńnia z-za vybuchu piratechničnaha vyrabu atrymała apiok kiści.
Irvanyja rany na rukach pry zapusku pietardy, jakaja vybuchnuła ŭ ruce, atrymaŭ 38-hadovy žychar Škłova. Mužčyna špitalizavany.
MNS nahadvaje:
Pry zakupcy piratechničnych vyrabaŭ źviartajcie ŭvahu na terminy prydatnaści, a instrukcyja pavinna być na ruskaj abo biełaruskaj movie; patrabujcie ŭ pradaŭca siertyfikat adpaviednaści piratechničnaha vyrabu.
Kuplajcie piratechničnyja vyraby vyklučna ŭ zavadskoj upakoŭcy.
Zachoŭvajcie piratechničnyja vyraby ŭdalečyni ad krynic ciapła i ŭ niedastupnym dla dziaciej miescy.
Zabaraniajecca pieranosić piratechničnyja vyraby ŭ kišeniach, pad adzieńniem, zachoŭvać biez upakoŭki abo kidać ich.
Nie varta vykarystoŭvać piratechničnyja vyraby ź vidavočnymi defiektami: pakamiečanyja, mokryja, tresnuli abo byli paškodžanyja ŭ korpusie abo knocie, a taksama raźbirać abo madyfikavać hatovyja piratechničnyja vyraby.
Nie nachilajciesia nad piratechničnymi vyrabami padčas ich vykarystańnia i paŭtornaha zapusku ŭ vypadku admovy abo zaharańnia knota.
Pierad vykarystańniem piratechničnaha vyrabu abaviazkova aznajomciesia ź instrukcyjaj i vykonvajcie praviły biaśpiečnaha prymianieńnia.
Kamientary