U Baku admovilisia prymać dapamohu ad Čačni paśla ŭdaru rakietaj pa samalocie
U Administracyi prezidenta Azierbajdžana admovilisia prymać dapamohu ad uładaŭ Čačni paśla krušeńnia samalota Azerbaijan Airlines, jaki lacieŭ u Hrozny, paviedamiła krynica vydańnia Day.Az.
«Azierbajdžan nie maje patreby ŭ jakoj-niebudź dapamozie. Ni dziaržava, ni hramadzianie nie prymuć takuju dapamohu. […] Azierbajdžan patrabuje pryznańnia faktu [što samalot byŭ źbity], pryniasieńnia prabačeńniaŭ i vypłaty adpaviednych kampiensacyj», — skazaŭ surazmoŭca vydańnia.
Napiaredadni, 26 śniežnia, staršynia ŭrada Čačni Chasan Chakimaŭ zajaviŭ, što pa daručeńni kiraŭnika respubliki Ramzana Kadyrava ŭsim siemjam zahinułych i paciarpiełych u katastrofie budzie akazana finansavaja i «ŭsia astatniaja dapamoha, u jakoj jany majuć patrebu», piša The Moscow Times.
Miž tym hienprakuratura Azierbajdžana paviedamiła, što supracoŭniki viedamstva prybyli ŭ Hrozny, kab vieści śledstva pa fakcie krušeńnia samalota Azerbaijan Airlines sumiesna z rasijskimi kalehami. Prakurory dziejničajuć u adpaviednaści z daručeńniami i instrukcyjami prezidenta Azierbajdžana Ilchama Alijeva i prymajuć nieabchodnyja miery dla ŭstanaŭleńnia pryčyn avijakatastrofy, padkreślili ŭ viedamstvie.
Pry hetym supracoŭniki samoj avijakampanii padčas papiaredniaha rasśledavańnia pryjšli da vysnovy, što samalot, jaki raźbiŭsia, padvierhnuŭsia «źniešniamu fizičnamu i techničnamu ŭździejańniu».
Nahadajem, što ranicaj 25 śniežnia samalot Azerbaijan Airlines, jaki lacieŭ z Baku ŭ Hrozny, upaŭ kala aeraporta Aktau na zachadzie Kazachstana. Na borcie łajniera było 67 čałaviek, u tym liku 37 hramadzian Azierbajdžana, 16 rasijanaŭ, šeść kazachstancaŭ i troje hramadzian Kyrhyzstana.
U avijakatastrofie zahinuli 38 čałaviek, 29 vyžyli. Stan siemiarych z tych, chto vyžyŭ, miedyki aceńvajuć jak vielmi ciažki.
Krynicy Reuters i Euronews va ŭradzie Azierbajdžana kazali, što pryčynaj krušeńnia stała rasijskaja rakieta sistemy «Pancyr». Pa ich viersii, jana była vypuščanaja pa samalocie padčas «pavietranaj aktyŭnaści bieśpiłotnika» nad Hroznym. Rakieta vybuchnuła pobač z samalotam, paškodziŭšy jaho abšyŭku.
U parłamiencie Azierbajdžana taksama publična zapatrabavali ad Rasii prabačeńniaŭ u suviazi z krušeńniem samalota. Pres-sakratar prezidenta Rasii Dźmitryj Piaskoŭ skazaŭ, što ŭ Kramli ŭ kursie hetych zajaŭ, ale da zaviaršeńnia aficyjnaha rasśledavańnia nijakich kamientaroŭ pa trahiedyi davać nie buduć. «My nie ličym, što majem prava davać niejkija acenki i nie budziem hetaha rabić», — zajaviŭ na zakančeńnie Piaskoŭ.
«Azierbajdžanskija avijalinii» prypyniajuć paloty ŭ niekalki haradoŭ Rasii
Azierbajdžanski deputat: Rasija pavinna vybačycca za ataku na samalot Baku — Hrozny
Kadyraŭ uznaharodziŭ svajho plamieńnika, adkaznaha za źbićcio dronaŭ nad Hroznym
Krynicy va ŭradzie Azierbajdžana paćvierdzili, što samalot Azerbaijan Airlines byŭ źbity rasijskaj rakietaj
U Kazachstanie błohieru, jaki zdymaŭ miesca krušeńnia samalota, dali 10 sutak
Što viadoma pra viciebčuka, jakoha vinavaciać u sprobie padryvu samalota ŭ Hiermanii12
Kamientary
Otkuda u nich dieńhi ? Vied́ tam počti nikto nie rabotajet.... Tolko dotacii iz Moskvy.