U Kazachstanie błohieru, jaki zdymaŭ miesca krušeńnia samalota, dali 10 sutak
Błohiera Azamata Sarsienbajeva, jaki zdymaŭ miesca krušeńnia samalota Azerbaijan Airlines u Aktau, aryštavali na 10 sutak. Jaho abvinavacili ŭ niepadparadkavańni zakonnamu patrabavańniu palicyi, piša Kazachskaja słužba Radyjo Svaboda.
Niepadparadkavańnie, z punktu hledžańnia palicyi i suda, vyjaviłasia ŭ tym, što Sarsienbajeŭ zdymaŭ zonu krušeńnia na kamieru telefona i z drona.
Na pasiadžeńni suda błohier zajaviŭ pra niazhodu z abvinavačvańniem. Jon skazaŭ, što pravodziŭ zdymki pa prośbie Bi-bi-si i Reuters, nie pieraškadžaŭ pry hetym pracy palicyi.
Nahadajem, što ranicaj 25 śniežnia samalot Azerbaijan Airlines, jaki lacieŭ z Baku ŭ Hrozny, upaŭ blizu aeraporta Aktau. Na borcie łajniera było 67 čałaviek, u tym liku 37 hramadzian Azierbajdžana, 16 rasiejcaŭ, šeść kazachstancaŭ i try hramadzianina Kyrhyzstana. U avijakatastrofie zahinuli 38 čałaviek, 29 vyžyli. Stan siemiarych tych, chto vyžyŭ miedyki aceńvajuć jak vielmi ciažki.
Kamientary