Jamu było 62 hady.
Pamior były rehijanalny načalnik KDB Ivan Korž, jamu było 62 hady, paviedamlaje «Homielskaja praŭda».
Ivan Korž naradziŭsia 21 śniežnia 1961 hoda ŭ vioscy Navasiołki Pietrykaŭskaha rajona. Skončyŭ Biełaruski instytut inžynieraŭ čyhunačnaha transpartu ŭ Homieli, byŭ stypiendyjatam Leninskaj premii.
Pracavaŭ nastaŭnikam u Babuničach, pracavaŭ dziažurnym pa stancyi, manieŭrovym dyśpietčaram, namieśnikam načalnika stancyi «Viciebsk» Biełaruskaj čyhunki. U 1986 hodzie byŭ pryzvany na vajennuju słužbu ŭ KDB. U pačatku 1990-ch skončyŭ kontrraźviedčycki fakultet Vyšejšaj škoły Ministerstva biaśpieki Rasijskaj Fiederacyi imia Dziaržynskaha pa śpiecyjalnaści «aficer z vyšejšaj śpiecyjalnaj adukacyjaj».
Z 2005 pa 2010 hod Ivan Korž byŭ načalnikam upraŭleńnia KDB pa Homielskaj vobłaści, nastupnyja čatyry hady — načalnikam upraŭleńnia KDB pa Hrodzienskaj vobłaści. Viadoma, što jon pieraśledavaŭ maładafrontaŭcaŭ.
Z maja 2014 hoda pa listapad 2016 hoda źjaŭlaŭsia načalnikam Instytuta nacyjanalnaj biaśpieki.
U 2016-m hodzie byŭ pryznačany ŭ Pałatu pradstaŭnikoŭ.
Paśla prezidenckich vybaraŭ 2010 hoda byŭ uklučany ŭ śpis biełaruskich čynoŭnikaŭ, jakim zabaronieny ŭjezd u ES. Rašeńniem Rady ES ad 15 kastryčnika 2012 hoda jak načalnik upraŭleńnia KDB pa Hrodzienskaj vobłaści byŭ pryznany adkaznym za represii KDB suprać hramadzianskaha hramadstva i demakratyčnaj apazicyi na Hrodzienščynie.
Kamientary