«Lvoŭ našmat bolš biaśpiečny za Tel-Aviŭ». Ukraina choča adnavić paloty sa svaich aeraportaŭ užo ŭ studzieni
Uładzimir Zialenski nastojvaje, kab pieršym rejsy adnaviŭ aeraport «Baryspal» u Kijevie.
Paloty z adnaho z ukrainskich aeraportaŭ — «Lvoŭ» ci «Baryspal» — mohuć adnavicca da kanca studzienia 2025 hoda. Pra heta zajaviŭ staršy partnior mižnarodnaj strachavoj kampanii Marsh McLennan Kryśpin Elisan na 10-m Kijeŭskim mižnarodnym ekanamičnym forumie ŭ stalicy Ukrainy.
«Dumaju, kali nam pašancuje, to ŭ studzieni ŭ nas budzie piać ci šeść avijakampanij, jakija zachočuć latać», — pieradaje słovy Elisan «Interfaks-Ukraina».
Pavodle jaho słoŭ, zabiaśpiečyć miechanizmy strachavańnia dla avijacyi budzie praściej, kali samaloty pačnuć latać z aeraporta «Lvoŭ», ale prezident Uładzimir Zialenski nastojvaje na tym, kab pieršym byŭ adkryty mižnarodny aeraport «Baryspal» u Kijevie.
«Prezident sfakusavany na «Baryspali», adnak pačatkovy fokus — «Lvoŭ». Siem chvilin palotu ad Polščy», — skazaŭ Elisan.
Pavodle słoŭ Elisana, kančatkovaje rašeńnie nakont palotaŭ budzie prymacca ŭ Ofisie prezidenta i budzie zaležać ad pracy supraćpavietranaj abarony i situacyi ź biaśpiekaj.
«Ja praciahvaju kazać, što Lvoŭ našmat bolš biaśpiečny za Tel-Aviŭ. Ludziam heta nie padabajecca, kali ja tak kažu, ale ja kažu», — skazaŭ jon.
Raniej paviedamlałasia, što Ministerstva raźvićcia abščyn i terytoryj pry padtrymcy ambasady ZŠA raspracavała «darožnuju kartu» adkryćcia pavietranaj prastory Ukrainy va ŭmovach vajennaha stanovišča.
Łatuška abviarhaje abvinavačańni ŭ charasmencie ad delehatki KR Karpušonak83
Łatuška abviarhaje abvinavačańni ŭ charasmencie ad delehatki KR Karpušonak
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona22
Kamientary