5 listapada pravaabaroncy pryznali palitviaźniami jašče 8 čałaviek. Ahulnaja kolkaść ludziej, jakija na siońnia źjaŭlajucca ŭ Biełarusi palitviaźniami, składaje 1312 čałaviek.
U śpis palitźniavolenych byli dadadzienyja nastupnyja proźviščy:
Anatol Čurykaŭ, Illa Łukašenka, Piatro Kavaloŭ, Valeryj Maroz, Siarhiej Piatručyk, Andrej Karčaha, Dźmitryj Bułanaŭ, Jaŭhien Byčko, Alaksandr Klimaševič, Siarhiej Ničyparuk, Alaksandr Martysievič, Nastaśsia Fościj, Dźmitryj Ščerba, Alaksandr Šukajła.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na hety momant palitviaźniami, pavodle acenak pravaabaroncaŭ, pryznanyja 1312 čałaviek. Apošnim časam ahulnaja ich kolkaść istotna nie raście i navat časam źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie33
Kamientary