Minčanka pajechała na adpačynak i dała klučy ad kvatery svajoj znajomaj. Usio skončyłasia kryminalnaj spravaj
43-hadovaja žycharka Maładziečna vyrašyła padzarabić, pakul jaje siabroŭka adpačyvaje. Ciapier jaje čakaje sud.
Abstaviny kryminalnaj spravy za machlarstva raskazali ŭ prakuratury Frunzienskaha rajona.
Žycharka Minska pajechała na adpačynak u Turcyju. Svajoj znajomaj jana dała klučy i paprasiła pryhladzieć za katom. Taja vyrašyła padrazabić na situacyi i raźmiaściła abjavu ab zdačy kvatery ŭ arendu ŭ sacyjalnych sietkach.
Na jaje adhuknułasia dziaŭčyna. «Haspadynia» pakazała kvateru i ŭziała pieradapłatu $110. Ale paśla paprasiła na dzień pieranieści zasialeńnie, bo nibyta susiedzi zalili bałkon. Pry hetym jana ŭziała jašče 110 dalaraŭ i dała klučy ad svajoj kvatery ŭ Maładziečnie.
Adnak paśla abvinavačanaja pazvaniła kvatarantcy i paprasiła znoŭ pieranieści zasialeńnie, bo nibyta pryjechała jaje siastra ź dziciem, jakaja pasvaryłasia z mužam. Uzamien jana paabiacała, što brat dapamoža pieravieźci rečy.
U pryznačany dzień «haspadynia» sama pryjechała da dziaŭčyny i stała čakać svajaka, jaki nibyta staić u zatory. Ale paśla, spasłaŭšysia na telefonny zvanok, jana vyjšła z kvatery i ŭciakła.
Paciarpiełaja źviarnułasia ŭ milicyju. Jaje psieŭdahaspadynia akazałasia dvojčy sudzimaj za machlarstva. Ciapier jaje znoŭ buduć sudzić pa tym ža artykule. Žančynie pahražaje da 4 hadoŭ kałonii. Ź jaje ŭziali padpisku pra niavyjezd.
Zatrymany ŭ Polščy biełaruski taksist-špijon byŭ siabram «Paspalitaha rušeńnia»14
Zatrymany ŭ Polščy biełaruski taksist-špijon byŭ siabram «Paspalitaha rušeńnia»
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1515
Kamientary