Džej Dzi Vens: Tramp nie bačyć nijakich pryčyn, kab ekanamična izalavać Rasiju paśla vajny
Vice-prezident ZŠA Džej Dzi Vens u intervju telekanału One America News Network zajaviŭ, što pieramovy pamiž Rasijaj i Ukrainaj nablizilisia da vyrašalnaj stadyi i ciapier zasiarodžanyja na dvuch asnoŭnych pytańniach — terytaryjalnych patrabavańniach Maskvy i harantyjach biaśpieki dla Kijeva.
Pa słovach Džej Dzi Vensa, Rasija nastojvaje na atrymańni kala 6 tysiač kvadratnych kiłamietraŭ ukrainskich terytoryj, jakija pakul jašče nie znachodziacca pad jaje kantrolem. Heta adno z klučavych patrabavańniaŭ Maskvy na pieramovach.
Ukrainski bok, u svaju čarhu, robić akcent na tym, što biez nadziejnych harantyj biaśpieki nijakaja damoŭlenaść niemahčymaja. Kijeŭ choča mieć upeŭnienaść, što Rasija paśla zaklučeńnia pahadnieńnia nie vierniecca praź niekatory čas z novymi patrabavańniami i sprobami pašyryć svaju terytoryju. Takija harantyi, na dumku ŭkraincaŭ, pavinny być dadzienyja jeŭrapiejskimi krainami abo inšymi mižnarodnymi sajuźnikami.
Vens nazvaŭ dasiahnuty prahres «nievierahodnym», ale padkreśliŭ, što hałoŭnaje pytańnie — ci buduć baki hatovyja pajści na kančatkovy kampramis. Jon zaŭvažyŭ, što chod padziej moža raźvivacca pa-roznamu: damoŭlenaść moža być padpisanaja ŭžo praź miesiac, a moža, naadvarot, kanflikt praciahniecca jašče hod, što budzie aznačać novyja tysiačy, a mahčyma i miljony čałaviečych achviar.
ZŠA, pavodle jaho słoŭ, pieradajuć adzinuju pazicyju i Maskvie, i Kijevu: vajnu nieabchodna spynić, bo jana nie ŭ intaresach ni Rasii, ni Ukrainy, ni samich ZŠA, ni Jeŭropy.
Akramia taho, Vens skazaŭ, što prezident ZŠA Donald Tramp «nie bačyć nijakich pryčyn», dla taho, kab ekanamična izalavać Rasiju, «akramia praciahu kanfliktu». I dadaŭ, što amierykanski lidar moža imknucca da bolš ciesnych ekanamičnych suviaziaŭ z Rasijaj, kali vajna va Ukrainie skončycca.
«Jon choča, kab zabojstvy spynilisia. A što tyčycca mirnaha ŭrehulavańnia, to jon adkryty dla cełaha šerahu ekanamičnych pahadnieńniaŭ, jakija vyhadnyja Złučanym Štatam», — skazaŭ Vens u efiry One America News Network.
Pavodle jaho słoŭ, paśla zaviaršeńnia mirnaha ŭrehulavańnia ŭ Vašynhtona «mohuć być vielmi praduktyŭnyja ekanamičnyja adnosiny» jak z Kijevam, tak i z Maskvoj. Jon taksama adznačyŭ, što «niezaležna ad taho, padabajecca vam Rasija ci nie, ci zhodnyja vy z hłybinnymi pryčynami kanfliktu», nielha zabyvacca, što Rasija bahataja na pryrodnyja resursy.
Tramp zaklikaŭ ES uvieści pošliny na tavary ź Indyi i Kitaja, kab akazać cisk na Pucina
Zialenski: Pucin skazaŭ Trampu, što zachopić Danbas za try-čatyry miesiacy
Tramp pryznaŭsia, što raniej vajna va Ukrainie jamu zdavałasia samym prostym kanfliktam z usich. I ździŭleny, što heta nie tak
Kab ZŠA ŭviali sankcyi suprać Rasii, Jeŭropa pavinna pierastać kuplać rasijskija naftu i haz
«Jeŭrapiejcy, vučyciesia va Ukrainy»
Kamientary