Minski šmatpaviarchovik apanavali prusaki. Vinavataja piakarnia na pieršym paviersie
Žycharka Minska apublikavała ŭ tyktoku videa, na jakim pakazała nasiakomych, padobnych da tarakanaŭ, što poŭzali pa ścienach šmatpaviarchovaha doma pa adrasie Karła Libkniechta, 108. Jana śćviardžaje, što krynicaj zaražeńnia stała piakarnia, jakaja znachodzicca na pieršym paviersie budynka, piša Telegraf.news.
U roliku žančyna raskazała, što «ŭžo zabiła bolš za 100 prusakoŭ» i što nasiakomyja «pa ŭsich ścienach piakarni i doma svabodna łaziać, traplajuć u vokny i kvatery ludziej». Pa jaje słovach, žychary padjezda ŭžo nie raz vyklikali słužbu pa dezynsiekcyi za ŭłasnyja hrošy, ale vyniku heta nie dało — prusaki praciahvajuć raspaŭsiudžvacca.
Karystalniki ŭ kamientaryjach padzialilisia pa mierkavańniach na niekalki łahieraŭ: adnyja ličać, što prablema sapraŭdy ŭ piakarni, inšyja śćviardžajuć, što ŭ padjeździe moža być «niadobraja kvatera», dzie i zavialisia nasiakomyja. Niekatoryja taksama padazrajuć jašče i kramu, jakaja mieścicca ŭ tym samym domie.
Paśla publikacyi videa śpiecyjalisty sanitarnaj słužby pravieryli piakarniu. Jak paviedamiła dziaržaŭnaje ahienctva «Minsk-Naviny», padčas inśpiekcyi 9 vieraśnia tam sapraŭdy vyjavili najaŭnaść tarakanaŭ. U dačynieńni da adkaznaha supracoŭnika budzie raspačaty administracyjny praces.
Aproč hetaha, u piakarni znajšli šerah inšaha i parušeńni sanitarna-epidemijałahičnych normaŭ. Siarod ich:
- kiepskaja jakaść prybirańnia;
- adsutnaść miedycynskich daviedak u častki rabotnikaŭ;
- vykarystańnie pamiaškańniaŭ nie pa pryznačeńni;
- parušeńnie praviłaŭ zachavańnia praduktaŭ.
U vyniku sansłužba vyniesła pradpisańnie ab prypynieńni pracy piakarni da likvidacyi ŭsich parušeńniaŭ.
Łukašenka zahadaŭ čynoŭnikam pavyvodzić z hatelaŭ prusakoŭ
«Pacuki, błochi, śmiećcie, a ŽEU rapartuje, što ŭsio prybrana». Žychary Žodzina aburanyja, što musili sami ačyščać padvał
U kafe ŭ Breście naviedvalniki sustreli myš. A jašče adzin niepryjemny siurpryz čakaŭ pad raściahajem
«Jany paŭzuć z kvatery susieda». Minski šmatpaviarchovik zachapili kłapy
Žurnalist Mancevič, błohiery Kazłoŭ i Vinahradaŭ, palityk Kučuk. paplečniki Aŭtuchoviča i Statkieviča. Chto jašče z palitviaźniaŭ vyzvaliŭsia siońnia?22
Kamientary