Łukašenka prakamientavaŭ situacyju ź bieśpiłotnikami, što zalacieli ŭ Polšču
Alaksandr Łukašenka prakamientavaŭ incydent ź bieśpiłotnikami, što zalacieli ŭ Polšču ŭčora, i reakcyju polskaha boku. Adpaviednyja zajavy jon zrabiŭ, prymajučy z dakładam pastajannaha pradstaŭnika Biełarusi pry AAN Valancina Rybakova, piša BiełTA
«Bačyš, što adbyvajecca ŭ apošni čas. Bieśpiłotniki tudy zalacieli. Navat nas (upikali). Jany da nas nie lacieli, hetyja bieśpiłotniki. My bačyli, kudy lacieli hetyja bieśpiłotniki. Usio, što mahli źniščyć, my źbili, hetyja bieśpiłotniki. Ale niekalki zastałosia. My imhnienna, zahadzia, nakolki heta mahčyma, prainfarmavali Polšču. Što ŭ vyniku atrymali?» — adznačyŭ Alaksandr Łukašenka.
«Słuchajcie, jak dzikuny. Voś nakručvajuć abstanoŭku na roŭnym miescy. Jany, napeŭna, chočuć, kab my adekvatnym čynam na heta reahavali. Nu, ja ŭžo tysiaču razoŭ papiaredžvaŭ, što my nie chočam nijakich vojnaŭ i kanfliktaŭ. My nie chočam zakryćcia miežaŭ. Ale kali nas buduć stavić pierad faktam — my vymušanyja budziem reahavać».
«Jak ja ŭžo raniej kazaŭ, palaki — ludzi razumnyja. Jany nie dapuściać usialakich šarachańniaŭ tam — Tuskaŭ, Naŭrockich, Dudaŭ i hetak dalej. Parazumnieŭ, nie staŭ prezidentam (maju na ŭvazie Dudu) — razradziŭsia niejkimi intervju. Pieršy byŭ padpalščykam vajny va Ukrainie. Ciapier užo abvinavačvaje Ukrainu. Što heta takoje? Nu, heta ich prablemy. Naša sprava — abaranić krainu».
Rasija naniesła masiravany ŭdar rakietami i dronami pa Ukrainie. Polšča zakryvała aeraporty Varšavy i Lublina z-za šachiedaŭ
Pavietranuju prastoru Polščy parušyli šmatlikija bieśpiłotniki. Zakryvalisia aeradromy, drony źbivała avijacyja NATA
Dron upaŭ na žyły dom u Polščy
Cichanoŭskaja pra zalot rasijskich dronaŭ u Polšču: Jeŭropa pavinna adkazać adzinstvam i siłaj, kab spynić hetuju ahresiju
35 maładych biełarusaŭ i biełarusak, za jakimi varta sačyć: apublikavany pieršy śpis Next 3532
Kamientary