Tusk: Značnaja častka rasijskich dronaŭ prylacieła ŭ Polšču ź Biełarusi
Premjer-ministr Polščy raspavioŭ, adkul hetaj nočču prylacieli rasijskija drony.
Donald Tusk zajaviŭ, što značnaja častka dronaŭ, jakija parušyli pavietranuju prastoru Polščy hetaj nočču, prylacieli z terytoryi Biełarusi. Pa słovach polskaha premjera, heta zdaryłasia ŭpieršyniu, piša Onet.
«Toje, što źjaŭlajecca novym u horšym sensie hetaha słova, heta napramak, ź jakoha prylacieli drony. Upieršyniu za čas hetaj vajny jany prylacieli nie z boku Ukrainy, jak vynik pamyłak abo drobnych rasijskich pravakacyj. Upieršyniu značnaja častka dronaŭ prylacieła niepasredna z terytoryi Biełarusi», — zajaviŭ Tusk.
Pa jaho słovach, było zafiksavana 19 parušeńniaŭ pavietranaj prastory Polščy bieśpiłotnikami. Ale heta nie kančatkovyja danyja.
Tusk zaklikaŭ aktyvavać 4-y artykuł Statuta NATA. Jana abviaščaje, što členy aljansu zaŭsiody buduć kansultavacca adzin z adnym u vypadku, kali, na dumku jakoj-niebudź ź ich, terytaryjalnaja cełasnaść, palityčnaja niezaležnaść abo biaśpieka jakoj-niebudź krainy NATA apynucca pad pahrozaj.
«Heta nie naša vajna. Heta nie tolki vajna dla ŭkraincaŭ. Heta kanfrantacyja, jakuju Rasija abviaściła ŭsiamu svabodnamu śvietu. Heta pavinna narešcie dajści da ŭsich», — padkreśliŭ Tusk.
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna18
Modnaja minskaja kaviarnia «Marks» trapiła ŭ skandał: adtul paprasili syści žančynu, jakaja malavała. Ale ŭsio nie tak adnaznačna
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary