Прэм'ер-міністр Польшчы распавёў, адкуль гэтай ноччу прыляцелі расійскія дроны.
Дональд Туск заявіў, што значная частка дронаў, якія парушылі паветраную прастору Польшчы гэтай ноччу, прыляцелі з тэрыторыі Беларусі. Па словах польскага прэм'ера, гэта здарылася ўпершыню, пiша Onet.
«Тое, што з'яўляецца новым у горшым сэнсе гэтага слова, гэта напрамак, з якога прыляцелі дроны. Упершыню за час гэтай вайны яны прыляцелі не з боку Украіны, як вынік памылак або дробных расійскіх правакацый. Упершыню значная частка дронаў прыляцела непасрэдна з тэрыторыі Беларусі», — заявіў Туск.
Па яго словах, было зафіксавана 19 парушэнняў паветранай прасторы Польшчы беспілотнікамі. Але гэта не канчатковыя даныя.
Туск заклікаў актываваць 4-ы артыкул Статута НАТА. Яна абвяшчае, што члены альянсу заўсёды будуць кансультавацца адзін з адным у выпадку, калі, на думку якой-небудзь з іх, тэрытарыяльная цэласнасць, палітычная незалежнасць або бяспека якой-небудзь краіны НАТА апынуцца пад пагрозай.
«Гэта не наша вайна. Гэта не толькі вайна для ўкраінцаў. Гэта канфрантацыя, якую Расія абвясціла ўсяму свабоднаму свету. Гэта павінна нарэшце дайсці да ўсіх», — падкрэсліў Туск.
-
Узлёт Фараджа абудзіў кельцкія нацыі. Англійскі нацыяналізм пагражае разваліць Злучанае Каралеўства
-
Вучыч прывёў у прыклад беларускую роўнасць рэгіёнаў і паставіў Барысаў у адзін шэраг з Мінскам
-
Украіна створыць Нацыянальны пантэон у Кіева-Пячэрскай лаўры. Чым ён будзе адрознівацца ад афіцыёзнага пантэона ў Беларусі?
Цяпер чытаюць
«Ты ў нас у Беларусі!» — «Я маму тваю я*аў». Госцю з Алтая не спадабалася заўвага за кінуты ў цэнтры Мінска недакурак6
Каментары