U Vieniesuele mužčyna pravioŭ paśla ziemlatrusu pad zavałami 8 dzion. Jaho ŭratavała vartavaja budka
U Vieniesuele vyratavalniki dastali z-pad zavałaŭ 43‑hadovaha mužčynu, jaki pravioŭ tam paśla mocnaha ziemlatrusu vosiem dzion, paviedamlaje Associated Press.
Jak paviedamlajecca, Ernan Albierta Chil Fłores z 24 červienia znachodziŭsia pad ruinami handlovaha centra ŭ prybiarežnym horadzie Ła-Huajra. Padčas ziemlatrusu jon byŭ na dziažurstvie i znachodziŭsia ŭ vartavoj budcy. Mienavita jana abaraniła jaho ad śmiarotnych traŭmaŭ i stvaryła pavietranuju prastoru, jakaja dazvoliła mužčynu vyžyć.
Vyratavańnie hetaha čałavieka stała vielmi redkim vypadkam, bo zvyčajna šancy znajści žyvych pad zavałami rezka źmianšajucca ŭžo praz 48—72 hadziny paśla stychijnaha biedstva. U hetym vypadku vyžyć mužčynu dapamahło toje, što vyratavalniki zdoleli padtrymlivać ź im suviaź i pieradavali jamu vadu i ježu. Dziakujučy hetamu mužčyna zmoh pražyć pad zavałami značna daŭžej, čym heta zvyčajna ličycca mahčymym.
Vyratavalnaja apieracyja praciahvajecca. Pošuki ludziej pad zavałami ciapier viaducca ŭ maksimalnaj cišyni, kab možna było pačuć mahčymyja sihnały ab dapamozie. Unačy vyratavalniki taksama sočać za lubymi śvietłavymi sihnałami.
Pavodle apošnich aficyjnych źviestak, kolkaść zahinułych u vyniku ziemlatrusaŭ u Vieniesuele ŭzrasła da 2295 čałaviek.
Dva mahutnyja ziemlatrusy mahnitudaj 7,2 i 7,5 adbylisia ŭ krainie 24 červienia. Jany stali adnymi z najmacniejšych u Vieniesuele za apošniaje stahodździe.
Vieniesueła praz tydzień paśla ziemlatrusu: amal 2300 zahinułych, źnikłych bieź viestak, vierahodna, bolš za 40 tysiač
Lidarku vieniesuelskaj apazicyi Maryju Karynu Mačada nie puścili na radzimu
La ŭźbiarežža Vieniesueły adbyŭsia novy ziemlatrus
U Vieniesuele vyratavali 60‑hadovuju žančynu paśla 86 hadzin pad zavałami
U Vieniesuele 11‑hadovaha chłopčyka žyvoha dastali z-pad zavałaŭ praz 70 hadzin paśla ziemlatrusu
Kamientary