Ministr unutranych spraŭ Ivan Kubrakoŭ zajaviŭ, što termin sproščanaj rehistracyi chutkasnych elektrasamakataŭ i padobnych pryład mohuć padoŭžyć.
Pavodle novych pravił darožnaha ruchu, elektrasamakaty, zdolnyja raźvivać chutkaść bolš za 25 km/h, nieabchodna zarehistravać u DAI paśla pravierki i atrymańnia elektronnaha pašparta ŭ adnoj z łabaratoryj.
Pakul, adnak, kali vieryć Ivanu Kubrakovu, DAI nacelenaja nie na pryciahnieńnie da adkaznaści, a na tłumačeńnie novych pravił.
«Nichto nikoha nie budzie pryciahvać da administracyjnaj adkaznaści. Rekamiendavać, raskazvać, tłumačyć, kudy źviarnucca — tak, buduć, ale pryciahvać da adkaznaści nie buduć», — cytuje Kubrakova telehram-kanał MUS.
Pavodle ŭkaza, padpisanaha ŭ vieraśni 2025 hoda, zarehistravać transpart treba da 1 vieraśnia 2026 hoda. Kali chto nie paśpieje, to MUS moža źviarnucca da Łukašenki z prośbaj padoŭžyć termin dziejańnia ŭkaza.
Rehistracyja prachodzić u dva etapy: spačatku treba atrymać elektronny pašpart u adnoj z 25 akredytavanych łabaratoryj (śpis dastupny na sajcie Dziaržstandarta), a paśla hetaha — zarehistravać pryładu ŭ DAI. Jeździć na transparcie možna tolki ŭ šlemie, pa darohach i abaviazkova z pravami adpaviednaj katehoryi: AM, A1 ci A, u zaležnaści ad mahutnaści ruchavika.
Niekatoryja pryłady nie padlahajuć rehistracyi, naprykład, chutkasnyja manakoły.
U milicyi raspracavali śpiecyjalnuju tabličku, jakaja palehčyć žyćcio ravarystam
U Minsku samakatčyk spatyknuŭsia na lažačym palicejskim i ŭrezaŭsia ŭ pryparkavanuju mašynu VIDEA
Milicyja rassyłaje samakatčykam esemeski ab parušeńni imi praviłaŭ darožnaha ruchu
U Minsku DAI haniałasia za padletkami na elektrasamakatach
Piešachod sprabavaŭ začapić nahoj samakatčyka. Toj źjechaŭ, ale nieŭzabavie viarnuŭsia — užo ź siabrami
Ciapier čytajuć
Rasijskija i łukašenkaŭskija śpiecsłužby na fonie zalotu dronaŭ u Polšču praviali infaataku. Jaje zładžanaść daje padstavy dumać, što zalot byŭ spłanavany1616
Kamientary