Valer Karbalevič nazyvaje adrazu niekalki faktaraŭ, čamu Łukašenka faktyčna abjaŭlaje daterminovyja vybary.
Łukašenka dahetul aścierahajecca pratestaŭ?
Palityčny ahladalnik «Radyjo Svaboda» Valer Karbalevič kaža, što jak by dziŭna heta ni hučała, ale adzin z važnych čyńnikaŭ, čamu Łukašenka śpiašajecca pravieści vybary, — heta aściarohi pierad apazicyjaj.
«Zdavałasia b, usio daŭno zadušana, apazicyja masavymi represijami zahnanaja pad plintus, ale tym nie mienš Łukašenka baicca, što jana moža stvaryć niejkija zabureńni, znoŭ arhanizavać pratesty».
Karbalevič źviartaje ŭvahu, što da nastupnych vybaraŭ Łukašenka prasiadzić u kreśle nie 5 hadoŭ, a 4 hady i 4 miesiacy. Faktyčna heta daterminovyja vybary. Analityk adznačaje, što daterminovyja vybary pravodziacca tolki ŭ vypadkach, kali dziejny prezident nie moža praciahvać vykonvać svaje abaviazki.
Jašče adnym faktaram, čamu vybary pryznačyli na studzień, Karbalevič nazyvaje nadvorje.
«Pa łohicy Łukašenki, ładzić pratesty ŭzimku nie zusim kamfortna».
Sproba pieraharnuć staronku
Druhi važny momant, na dumku Valera Karbaleviča, — žadańnie Łukašenki chutčej pieraharnuć staronku ŭ adnosinach z Zachadam.
«Jon choča pakazać Zachadu, što ŭsie nadziei na toje, što ŭ Biełarusi mahčymyja niejkija demakratyčnyja źmieny, marnyja i Zachad musić źmirycca z toj realnaściu, jakaja jość siońnia ŭ Biełarusi, i pačać kantaktavać z čystaha lista. Tym bolš, što vybary hetyja projduć cicha, biez kryvi, biez traplańnia kandydataŭ u prezidenty ŭ turmu», — razvažaje analityk.
Aproč hetaha, adsutnaść pratestaŭ dazvolić kazać režymu, što i sam narod źmiryŭsia, siadzić zadavoleny i nikudy nie lezie.
Cichim pieraabrańniem Łukašenka choča pavysić uzrovień svajoj lehitymnaści.
«Jon kazaŭ, što choča ŭdzielničać u mahčymych pieramovach pa Ukrainie, jakija mohuć adbycca ŭ nastupnym hodzie. Łukašenka chacieŭ by padyjści da ich u niejkim novym, bolš pryznanym i lehitymnym statusie», — ličyć ahladalnik.
Zakryć pytańnie ź Cichanoŭskaj
Adnačasova z hetym, rannija vybary Karbalevič nazyvaje namahańniem Łukašenki chutčej niejtralizavać Śviatłanu Cichanoŭskuju.
«Možna budzie havaryć zachodnim palitykam, što niachaj vy ličycie, što ŭ 2020 jana pieramahła, ale jaje kadencyja zakančvajecca z novymi prezidenckimi vybarami».
Čym raniej vybary — tym maładziejšy kandydat
Apošniaja, davoli važnaja, pryčyna, čamu Łukašenka śpiašajecca, — heta prablemy sa zdaroŭjem.
«Tamu čym raniej projduć vybary, tym u lepšym fizičnym stanie jon na ich budzie.
Voś pa takoj łohicy i adbyłosia hetaje daterminovaje pryznačeńnie prezidenckich vybaraŭ», — ličyć Valer Karbalevič.
Apytanka
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Kamientary