Pryncesa Ketryn upieršyniu paśla zakančeńnia kursa chimijaterapii źjaviłasia na publicy
Pryncesa Uelskaja razam z mužam zrabili niečakany vizit u Saŭtport, dzie jany pryvatna sustrelisia ź siemjami troch dziaciej, jakija trahična zahinuli ŭ lipieni hetaha hoda ŭ vyniku napadu złamyśnika, piša Bi-bi-si.
Heta było pieršaje źjaŭleńnie Ketryn na publicy paśla zakančeńnia kursa chimijaterapii. Pavodle krynic, blizkich da karaleŭskaj siamji, jana vyrašyła dałučycca da prynca Uiljama, kab «prademanstravać miascovaj supolnaści svaju padtrymku, spačuvańnie i spahadu».
Karaleŭski vizit u hety prymorski horad na paŭnočnym zachadzie krainy asabliva nie afišavaŭsia, kab zabiaśpiečyć mahčymaść u pryvatnaj abstanoŭcy sustrecca z baćkami trahična zahinułych dziaciej i nastaŭnicaj tancaŭ, jakaja taksama stała śviedkaj napadu. Prysutnaść Ketryn stała pryjemnaj niečakanaściu dla ŭsich.
Paśla zakančeńnia lačebnaha kursa žonka prynca Uiljama pastupova viartajecca da vykanańnia svaich karaleŭskich abaviazkaŭ, i vizit u Saŭtport staŭ važnym krokam u hetym kirunku. Ketryn kazała pra toje, što ŭ jaje byvajuć «dobryja i drennyja dni», i Kiensinhtonski pałac papiaredziŭ, što raskład jaje źjaŭleńniaŭ na publicy moža źmianiacca ŭ apošni momant.
Metaj vizitu prynca i pryncesy było prademanstravać žycharam miascovaj supolnaści, što pra ich nie zabyvajuć u ciažki momant. Karaleŭskaja para paŭtary hadziny praviała ź siemjami troch zahinułych dziaŭčynak va ŭzroście ad 6 da 9 hadoŭ i sustrełasia z rabotnikami słužbaŭ vyratavańnia.
Trahiedyja adbyłasia ŭ lipieni, kali 17-hadovy Aksiel Rudakubana z nažom napaŭ na ŭdzielnikaŭ uroka tancaŭ u tancavalnym kłubie Hart Space. Dźvie dziaŭčynki zahinuli na miescy, 11 čałaviek, u tym liku 8 dziaciej, atrymali ranieńni, i paźniej u špitali pamierła jašče adna dziaŭčynka.
Aksiel, syn imihrantaŭ z Ruandy, jaki naradziŭsia ŭžo ŭ Uelsie i maje brytanskaje hramadzianstva, byŭ zatrymany na miescy złačynstva. Jamu byli pradjaŭlenyja abvinavačańni ŭ zabojstvie i zamachu na zabojstva.
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»31
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary