Jak vyhladaje 46-hadovy juryst Juraś Ziankovič praz try z pałovaj hady źniavoleńnia ŭ biełaruskaj turmie

Juryst Juryj Ziankovič, hramadzianin Biełarusi i ZŠA, byŭ zatrymany 12 krasavika 2021 hoda ŭ Maskvie pa tak zvanaj spravie zmoŭščykaŭ. 

Jon abvinavačvaŭsia pa č. 1 art. 357 KK (zmova z metaj zachopu dziaržaŭnaj ułady niekanstytucyjnym šlacham), č. 1 art. 361-1 KK (stvareńnie ekstremisckaha farmavańnia i kiraŭnictva im), č. 3 art. 361 KK (publičnyja zakliki da zachopu dziaržaŭnaj ułady), č. 3 art. 130 KK (raspalvańnie sacyjalnaj varožaści).

@nashaniva Jak vyhladaje Juraś Ziankovič praz try z pałovaj hady biełaruskaj turmy #biełaruś #palitviaźni #biełarus #sša #riežim #pravitielstvo #urad #ułada #rb #vłasť #sud #minsk #našaniva ♬ dźwięk oryginalny - Naša Niva. Naviny

Juryj Ziankovič całkam pryznaŭ svaju vinu i nie admaŭlaŭ, što źjaŭlaŭsia arhanizataram zmovy. Taksama jon paprasiŭ prabačeńnia ŭ saŭdzielnikaŭ.

5 vieraśnia 2022 h. sudździa Uładzimir Areška pryznaŭ Juryja vinavatym i prysudziŭ jamu 11 hadoŭ kałonii va ŭmovach uzmocnienaha režymu.

KDB uklučyŭ jaho ŭ śpis «asobaŭ, jakija majuć dačynieńnie da terarystyčnaj dziejnaści», a MUS — u śpis «asobaŭ, datyčnych da ekstremisckaj dziejnaści».

Jak paviedamlali pravaabaroncy, Ziankovič trapiŭ u kałonii pad presinh — u babrujskaj PK № 2 administracyja prymušała Ziankoviča vynosić viodry z ekskremientami i myć prybiralniu, a kali toj admoviŭsia — adpravili ŭ ŠIZA. Tam jon abviaščaŭ haładoŭku.

U śniežni 2022 hoda Ziankoviču dadali jašče paŭhoda terminu — pa spravie ab abrazie pradstaŭnika ŭłady.

Jašče praź niejki čas jaho pieraviali na turemny režym u mahiloŭskuju turmu №4. U žniŭni 2024 hoda Ziankoviča sudzili jašče i «niepadparadkavańnie administracyi», ale nieviadoma, ci dadali niejki termin.

Pavialičyć

Siońnia źjaviŭsia anons prapahandysckaha videa z udziełam Ziankoviča. Miarkujučy pa tyziery, Ziankovič znoŭ paćviardžaje viersiju abvinavačańnia, pra toje, što razam z saŭdzielnikami rychtavaŭ napad na Łukašenku. 

Razam ź Ziankovičam pa spravie prachodzili Alaksandr Fiaduta, Ryhor Kastusioŭ, jakija abvinavačvalisia ŭ zmovie, ździejśnienaj z metaj zachopu dziaržaŭnaj ułady niekanstytucyjnym šlacham (č. 1 art. 357 KK), i taksama Volha Hałubovič i Dzianis Kraŭčuk, jany abvinavačvalisia ŭ aktyŭnym udziele ŭ hrupavych dziejańniach, jakija hruba parušajuć hramadski paradak (č. 1 art. 342 KK).

Alaksandru Fiadutu i Ryhoru Kastusiovu dali pa 10 hadoŭ pazbaŭleńnia voli; Volzie Hałubovič i Dzianisu Kraŭčuku — pa 2,5 hoda pazbaŭleńnia voli.

3 lipienia 2024 hoda chvoraha Ryhora Kastusiova vypuścili z hrodzienskaj turmy pa amnistyi. 

• 3
• 1
• 0
• 7
• 7
• 18
• 20
• 0