«Sprava zmoŭščykaŭ»: padrabiaznaści sustrečy Ziankoviča i «siłavika» ŭ restaranie
Minski abłasny sud 5 žniŭnia ŭ vyjaznym pasiadžeńni praciahvaje razhladać «spravu ab zmovie z metaj zachopu dziaržaŭnaj ułady». Siońnia roŭna tydzień, jak pačali razhladać spravu. Na sudzie začytali ŭsim abvinavačvańni. Fiaduta pryznaŭ vinu častkova, Kastusioŭ — nie pryznaŭ, Kraŭčuk i Hałubovič — pryznali vinu całkam, Ziankovič pakul nie vykazaŭ svajo staŭleńnie da abvinavačvańniaŭ, chacia stała viadoma, što jon adziny pa spravie, chto zaklučyŭ pahadnieńnie sa śledstvam. «Viasna» sočyć za sudovym pracesam.
Siońnia ŭ sudzie hladziać videa ab praviadzieńni apieratyŭna-vyšukovych mierapryjemstvaŭ, jakoje źmiaščajecca ŭ materyjałach kryminalnaj spravy. Alaksandr Fiaduta zajaviŭ chadajnictva sudu ad tym, kab hladzieli nie ŭvieś abjom videa, bo tam bolš za 20 hadzin.
Prahlad videa pačaŭsia z taho, jak Ziankovič sustrakajecca ŭ restaranie z «siłavikom» Alaksiejem Žuraŭskim i abmiarkoŭvaje pytańni, źviazanyja sa sprobaj źmieny ŭłady niekanstytucyjnym šlacham.
U sudzie taksama byŭ ahałošany dyjałoh Ziankoviča i Žuraŭskaha. Ziankovič skazaŭ, što zmoŭščykam patrebien «jaki-niebudź hienierał», i Žuraŭski paraiŭ «padyści (da hienierała) i padarunačak prynieści».
«Kali što, maja supracoŭnica moža źniać niekalki tysiač i pieradać», — skazaŭ Ziankovič.
Taksama abmiarkoŭvalisia pytańni kanśpiracyi. Ziankovič rastłumačyŭ surazmoŭcu, što lepš nie sustrakacca.
Abmiarkoŭvajučy pytańni padrychtoŭcy da zmovy, Ziankovič skazaŭ Žuraŭskamu, što ŭ krainie jość «partyzany», nazapašana zbroja — jašče z časoŭ Biełaha lehijonu. Taksama abmiarkoŭvałasia tema Śviatłany Cichanoŭskaj. Z hetaj nahody Ziankovič zajaviŭ, što dla zmovy «patrebny hienierał», a Cichanoŭskaja nie źjaŭlajecca lidaram.
Padčas pieramovaŭ Ziankoviča i «siłavika» Žuraŭskaha abmiarkoŭvałasia pytańnie pryciahnieńnia da zmovy «izrailcianaŭ» i «amierykancaŭ». Ziankovič raspavioŭ Žuraŭskamu, što ŭžo źviartaŭsia da «byłych aficeraŭ z Masada» z pryvatnaj vajennaj kampanii ź Izraila, ale jany pakul nie chočuć mieć znosiny na pradmiet udziełu ŭ zmovie.
Taksama Ziankovič rastłumačyŭ «siłaviku», što kali źviartacca ŭ pasolstva ZŠA ŭ Minsku pa dapamohu, to pryjdziecca raskryć usiu tajamnicu płana, i hetaja infarmacyja budzie daviedzienaja da Biełaha doma, da administracyi Trampa.
Na dumku Ziankoviča, naŭrad ci amierykancy «ŭmiašajucca ŭ situacyju, tamu što potym pryjdziecca mieć spravu z ruskimi». Toje samaje, pa słovach Ziankoviča i z pasolstvam Polščy.
Žuraŭski, tym nie mienš, nastojvaŭ, kab Ziankovič «pramacaŭ» amierykanskaje pasolstva na pradmiet taho, ci jość ludzi, hatovyja dapamahčy arhanizavać zmovu ŭ Biełarusi. Pa jaho słovach, u amierykancaŭ jość vopyt takich apieracyj. Jon nahadaŭ pra vajennyja pieravaroty ŭ krainach Łacinskaj Amieryki.
U svaju čarhu Žuraŭski paviedamiŭ Ziankoviču, što praciahvaje pracu pa pieramovach ź biełaruskimi siłavikami, i možna kazać, što «ŭ 4-5 bataljonaŭ» jość hatoŭnaść padtrymać zmoŭščykaŭ.
Havorka išła ab padraździaleńniach, jakija znachodziacca ŭ Minsku albo niepasrednaj blizkaści ad stalicy. Akramia taho, płanavałasia pryciahnuć da ŭdziełu ŭ siłavym zachopie ŭłady vajskoŭcaŭ 5-j asobnaj bryhady śpiecyjalnaha pryznačeńnia. Pa słovach surazmoŭcy Juryja Ziankoviča, zacikaŭlenaść prajavili nie tolki dziejnyja vajskoŭcy, ale i adstaŭnyja.
Čytajcie taksama:
Ziankovič staŭ supracoŭničać sa śledstvam adrazu paśla zatrymańnia
Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu19
Kamientary
realnyja terminy? Ci dumajecie,
ich adpuściać dadomu? Inšaha nie razumieju: u tavaryšča puškinista realny vopyt takich
hulniaŭ. Jak moh nie zrazumieć, nie adčuć?! Tym bolej, što mieŭ znajomych u Amerycy i
moh daviedacca apiniju pra Ziankoviča, kab i na adnym poli potym nia sieści ź im.