Pucin jeździŭ u Manholiju da šamanaŭ pytacca dazvołu na jadziernuju zbroju — Der Spiegel
Pavodle čutki, jakuju pierakazvaje były žurnalist «Kommiersanta», eks-hałoŭny redaktar «Doždia» i piśmieńnik Michaił Zyhar, sapraŭdnaj metaj pajezdki Uładzimira Pucina ŭ Manholiju ŭ pačatku vieraśnia była sustreča z šamanami. Pa słovach Zyhara, hetuju viersiju abmiarkoŭvajuć krynicy, blizkija da Kramla. Svajoj infarmacyjaj Zyhar dzielicca ŭ kałoncy, apublikavanaj u aŭtarytetnym niamieckim časopisie Der Spiegel, paviedamlaje «Ahientstvo».
Zyhar pierakazvaje kramloŭskija čutki, što Pucinu spatrebiłasia dabrasłavieńnie šamanaŭ na prymianieńnie jadziernaj zbroi. I nibyta Pucin viarnuŭsia z Manholii zadavoleny, piša eks-hałoŭred «Doždia».
Zyhar źviartaje ŭvahu na toje, što Manholija i Tuva, dzie Pucin pabyvaŭ da pajezdki va Ułan-Batar, ličacca radzimaj samych mahutnych šamanaŭ śvietu. Piśmieńnik nahadvaje, što Pucin daŭno viadomy svaim asablivym staŭleńniem da mistyki, u tym liku pravasłaŭnaj.
Pierad pačatkam vajny z Ukrainaj Pucin taksama kansultavaŭsia z roznymi mistykami, piša Zyhar sa spasyłkaj na krynicu, blizkuju da Kramla. Sa słoŭ surazmoŭcy, usie jany pradkazvali pieramohu Rasii.
U paćvierdžańnie čutak ab mahčymym zachapleńni Pucina šamanizmam Zyhar zhadvaje rasśledavańnie «Prajekta», u jakim havorycca, jak padčas pajezdak na Ałtaj Pucin prymaŭ kryvavyja vanny z ekstraktam zrezanych rahoŭ ałtajskich marałaŭ.
Akramia taho, u kałoncy Zyhara zhadvajecca intervju prafiesara Valeryja Sałaŭja Elviry Vicharavaj, u jakim Sałaviej zajaviŭ, što pierad pačatkam uvarvańnia va Ukrainu ŭ rezidencyi Pucina ŭ Sočy praviali pahanski abrad, padčas jakoha šamany prynieśli ŭ achviaru arła i pradkazali Pucinu pieramohu ŭ vajnie.
U lutym The Wall Street Journal pisała, što teoryi Sałaŭja mohuć vykarystoŭvacca Kramlom dla taho, kab zapoŭnić infarmacyjny vakuum vakoł Pucina sumnieŭnaj infarmacyjaj, stvarać iłžyvaje adčuvańnie, što jon chutka pamre, i dyskredytavać niezaležnyja ŚMI.
-
U Iranie ŭzłamali spadarožnikavaje viaščańnie dziaržaŭnych telekanałaŭ — Reza Piechlevi zaklikaŭ zrynuć režym ajatoł VIDEA
-
U Ryzie vyjavili hrupu rasiejskich infarmataraŭ ź liku hramadzian Łatvii, dva ź ich paśpieli źjechać u Biełaruś
-
Tramp zajaviŭ, što bolš nie abaviazany dumać pra mir, bo jamu nie ŭručyli Nobieleŭskuju premiju miru
Ciapier čytajuć
Kaleśnikava: Ja nie razumieju, čamu Jeŭropa nie pačała pieramovy z Łukašenkam raniej za ZŠA26
Kamientary