Jašče adzin biełaruski pravasłaŭny śviatar pryniaty ŭ klir Usialenskaha patryjarchatu
Archijepiskap Amieryki Elpidafor paviedamiŭ pra rašeńnie pryniać biełaruskaha śviatara Piatra Prakapcova, jaki ŭ 2022 hodzie musiŭ pakinuć radzimu z-za palityčnaha pieraśledu, u klir Hrečaskaj pravasłaŭnaj archijepiskapii Amieryki, piša «Chryścijanskaja vizija».
Protaijerej Piatro Prakapcoŭ — były nastajaciel prychodu chrama Naradžeńnia Praśviatoj Baharodzicy ahraharadka Prybytki Homielskaha rajona. Hetaja miascovaść znachodzicca ŭsiaho za 5 km ad aeradroma ŭ Ziabraŭcy, jaki vykarystoŭvaŭsia rasijskimi vojskami dla avijaŭdaraŭ pa Ukrainie.
Da śviatara šmat razoŭ źviartalisia rasijskija vajskoŭcy, dysłakavanyja ŭ rajonie nazvanaha aeradroma, z prośbaj aśviačać bajavuju techniku. Ale Prakapcoŭ kateharyčna admaŭlaŭsia, a kab paźbiehnuć cisku, časova vyjechaŭ u pałomnictva ŭ Śviata-Duchaŭ manastyr u Vilniu. Homielski archijepiskap Stefan (Nieščaret) padčas hetaj pajezdki pahražaŭ śviataru pazbaŭleńniem sanu i tym samym vymusiŭ viarnucca ŭ Homiel.
Adrazu paśla viartańnia Piatro Prakapcoŭ byŭ vyklikany na razmovu da archireja. Paśla hetaj hutarki jamu patelefanavali z Homielskaha ŭpraŭleńnia KDB, dzie praviali apytańnie ab pryčynach pajezdki ŭ Litvu, jak rabiŭ vizu, ci supracoŭničaje z «Chryścijanskaj vizijaj». Paśla taho śviatara prymusili padpisać dakumient, što jon papiaredžany ab niedapuščalnaści supraćpraŭnych dziejańniaŭ, spansavańni terarystyčnaj dziejnaści, pieradačy źviestak, jakija haniać palityčny ład i Łukašenku, zamiežnym ŚMI, zaklikaŭ da zabastovak.
Bajučysia dalejšaha cisku, Prakapcoŭ paśla taho byŭ vymušany vyjechać za miažu. Archijepiskapam Stefanam jon byŭ zabaronieny ŭ słužeńni, ale ciapier moža słužyć užo niezaležna ad RPC.
Pierad hetym, u krasaviku 2023 hoda, u jurysdykcyju Usialenskaha patryjarchatu pierajšli biełaruskija śviatary Alaksandr Kuchta i Hieorhij Roj, jakija taksama pakinuli radzimu z pryčyn palityčnaha pieraśledu i ciapier arhanizujuć žyćcio biełaruskaha pravasłaŭnaha prychodu ŭ Vilni.
U Vilni abstralali vokny biełaruskaj carkvy
Biełaruski pravasłaŭny prychod u Vilni pačaŭ ramont, patrebna dapamoha
U Litvie zaćvierdzili niezaležnuju ad Maskvy pravasłaŭnuju carkvu. Siarod śviataroŭ — dvoje biełarusaŭ
Upieršyniu prajšło biełaruskaje nabaženstva ŭ jurysdykcyi Kanstancinopalskaha patryjarchata
Śviatar Hieorhij Roj — pra danosy na jaho, malitvy za Rasiju, jakija dasyłali źvierchu, nadziei na Suśvietny patryjarchat i strach pryvyknuć da niesvabody
Viaskovaha pravasłaŭnaha śviatara adchilili ad słužeńnia paśla pajezdki ŭ Polšču
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»6
Kamientary