Jak stała viadoma «Biełsatu», polskaja prakuratura pačała rasśledavańnie śmierci žurnalista Mikity Miełkaziorava pavodle artykuła ab nienaŭmysnym zabojstvie. Taki artykuł vykarystoŭvajuć zaŭsiody, kali pryčynu śmierci jašče nie vyjavili.
Pres-sakratar Akruhovaj prakuratury Varšavy Piotr Antonij Skiba paviedamiŭ «Biełsatu», što siońnia pačałosia rasśledavańnie spravy ab nienaŭmysnym zabojstvie:
«Heta tradycyjnaja farmuloŭka, jakaja dajecca ŭ situacyjach, kali pryčyna śmierci nieviadomaja. Budzie praviedzienaje anatamavańnie — my nie viedajem, kali dakładna, mahčyma, heta budzie jašče da Kaladaŭ. Nie vyklučaju, što paśpiejuć da Novaha hoda».
Čynoŭnik adznačyŭ, što pravaachoŭnyja orhany buduć abnarodavać tolki tyja źviestki ŭ hetaj spravie, jakija adpaviadajuć intaresam siamji niabožčyka:
«Cieła ŭ ciapierašni momant zastajecca va Ustanovie sudovaj miedycyny Varšaŭskaha miedyčnaha ŭniviersiteta, i hety abjekt budzie vykonvać uskryćcio. Z uvahi na zacikaŭlenaść miedyjaŭ my budziem imknucca abnarodavać źviestki, jakija nie supiarečać intaresam siamji zahinułaha. Dalejšyja pracesualnyja dziejańni zaležać ad vynikaŭ sudova-miedycynskaj ekśpiertyzy. Usio zaležyć ad taho, što stanie viadoma paśla ŭskryćcia».
Zvyčajna anatamavańnie pravodzicca ciaham dvuch tydniaŭ.
«Mahčyma, vyniki źjaviacca raniej. My ŭžo telefanavali ŭ sudmiedekśpiertyzu z prośbaj, kab zrabili ŭsio jak maha chutčej», — skazaŭ Skiba.
Jon taksama paviedamiŭ, što pakul u suviazi sa śmierciu była apytanaja tolki ŭdava Mikity i što hałoŭnaja viersija śledstva ciapier — niehvałtoŭnaja śmierć:
«Na hetym etapie my biarem pad uvahu, što śmierć mahła adbycca z naturalnych pryčyn, ale ŭsio heta pravierym šlacham paśladoŭnaha zboru dokazavaha materyjału».
Mikitu Miełkaziorava pakažuć u navahodnim kancercie «Biełsata»
U svoj apošni dzień Mikita Miełkazioraŭ paśpieŭ zapisać jašče adno intervju
«Niačasty prykład taho, jak pryjści da biełaruščyny ŭ darosłym vieku». Biełarusy zhadvajuć Mikitu Miełkaziorava
Čym zapomniŭsia Mikita Miełkazioraŭ — samy papularny biełaruski intervjujer
Raptoŭna pamior papularny błohier Mikita Miełkazioraŭ
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam24
Kamientary