Viaskovaha pravasłaŭnaha śviatara adchilili ad słužeńnia paśla pajezdki ŭ Polšču
U paviedamleńni Homielskaj jeparchii BPC ab pasiadžeńni Jeparchijalnaha savieta, jaki prajšoŭ 14 listapada, havorycca, što «asablivaja ŭvaha była ŭdzielena stanu spraŭ u prychodzie chrama Naradžeńnia Najśviaciejšaj Baharodzicy vioski Prybytki». Što staić za hetym adnym radkom, stała viadoma z pablika prychoda: u carkvie, jakaja znachodzicca ŭ pamiežnaj z Ukrainaj vioscy, niečakana źmianili nastajaciela. Ab pryčynach hetaha adchileńnia daviedałasia homielskaje vydańnie «Fłahštok».
Šmat hadoŭ nastajacielem prychoda byŭ protaijerej Piotr Prakapcoŭ — z sajta prychoda tolki niadaŭna prybrali jaho proźvišča. Za hady słužeńnia jon zarekamiendavaŭ siabie dobrym śviatarom, jaho pavažali vierniki, daviarali jamu. Ale adnosiny z homielskim archijepiskapam Stefanam u śviatara nie skłalisia.
Na dumku viernikaŭ, jepiskap nie raz sprabavaŭ znajści nahodu, kab źniać nastajaciela ŭ Prybytkach, i niadaŭna takuju nahodu znajšoŭ — ajciec Piotr biez dazvołu jepiskapa źjeździŭ za miažu. Śviatar pabyvaŭ u Polščy, i za hety čas u prychodzie nie adbylisia niekalkich słužbaŭ, tamu farmalnaj padstavaj dla zvalnieńnia staŭ «prahuł».
«Ajciec Piotr vostra pieražyvaŭ raspačatuju ahresiju Rasii suprać Ukrainy. Bo praź jaho viosku, Prybytki, jechała technika, kab zabivać, lacieli viertaloty, kab nieści śmierć. Jak u takich umovach možna spakojna pravodzić słužby — jak byccam ničoha nie adbyvajecca?
Jość vierniki, jakija pierastali prychodzić na słužby, bo nie chacieli paminać u malitvie patryjarcha Kiryła, tamu što jon adkryta padtrymaŭ ahresiju. Z-za hetaha niekatoryja ŭvohule nie chočuć bolš mieć ničoha ahulnaha z RPC.
«Śviatar chacieŭ na čas vyjechać, kab niejak pryjści ŭ siabie, ale dazvołu na heta jepiskap nie davaŭ», — patłumačyŭ surazmoŭca.
Pavodle jaho infarmacyi, śviatara całkam adchilili ad słužeńnia ŭ jeparchii i nie prapanavali novaha miesca słužeńnia — jon zastaŭsia biez srodkaŭ da isnavańnia.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary