Zahinuŭ Hieroj Ukrainy lotčyk Alaksandr Šemiet: jon ździejśniŭ apošni avijapraryŭ na «Azoŭstal»
Na borcie ŭkrainskaha viertalota Mi-24, ekipaž jakoha zahinuŭ padčas vykanańnia bajavoha zadańnia 17 śniežnia, byŭ Alaksandr Šemiet. Jon — Hieroj Ukrainy, jaki ździejśniŭ apošni avijapraryŭ na «Azoŭstal». Mužčyna byŭ kamandziram ekipaža.
«Uviečary 17 śniežnia pastupiŭ zahad vylecieć na pierachop «šachiedaŭ». Bort padniaŭsia, trymaŭ suviaź z punktam kiravańnia. Paźniej na punkcie kiravańnia viertalot na radary nie fiksavaŭsia. Heta kaža pra toje, što jon užo ŭpaŭ. Paćviardžeńnie hibieli jość. Na miescy padzieńnia znojdzieny čatyry cieły. Usie členy ekipaža zahinuli. Heta ŭžo fakt», — skazaŭ «Suśpilnamu» brat zahinułaha Juryj Šemiet.
Pavodle słoŭ Juryja Šemieta, papiaredniaje rasśledavańnie ŭstanaviła, što viertalot sutyknuŭsia z «šachiedam».
«Tut jašče takija abstaviny, što hety «šachied» nie byŭ bačny na punkcie kiravańnia. Mabyć, jon lacieŭ vielmi nizka. Tyja ludzi, jakija pravodzili rasśledavańnie, kažuć, što takoha jany raniej nie bačyli. Viertalot tak mocna paškodžany, što jaho, možna skazać, całkam razarvała na kavałki. Cieły vielmi abhareli. Jaki mienavita «šachied» trapiŭ u viertalot, taksama pakul mnie nie viadoma», — raspavioŭ Juryj Šemiet.
Chto ź biełarusaŭ trapiŭ na pryjom da prezidenta Polščy ŠMAT FOTA10
Kamientary