Brytanija abiacaje vyrablać dla Ukrainy novyja balistyčnyja rakiety z dalokaściu 500 km
Ministerstva abarony Vialikabrytanii abviaściła, što maje namier uzbroić Ukrainu svaimi taktyčnymi balistyčnymi rakietami, jakija pakul jašče znachodziacca na stadyi raspracoŭki, piša Bi-bi-si.
«Złučanaje Karaleŭstva raspracuje novyja taktyčnyja balistyčnyja rakiety, jakija ŭzmocniać ahniavuju moc Ukrainy i jaje zdolnaść abaraniacca ad pucinskaj vajennaj mašyny», — havorycca ŭ pres-relizie ŭrada, apublikavanym u niadzielu.
Havorka idzie pra balistyčnyja rakiety z dalokaściu bolš za 500 km i bajavoj častkaj masaj kala 200 kh, pra raspracoŭku jakich u miežach «Prajekta Zakat» (Project Nightfall) Brytanija paviedamiła letaś.
«Rakiety Nightfall možna budzie zapuskać z cełaha šerahu naziemnych płatformaŭ, chutka vypuskać niekalki rakiet zapar i na praciahu niekalkich chvilin adstupać — što dazvolić ukrainskim vojskam nanosić udary pa klučavych vajennych metach da taho, jak rasijskija siły zmohuć adkazać», — adznačajecca ŭ paviedamleńni.
U śniežni Ministerstva abarony Vialikabrytanii abviaściła konkurs na raspracoŭku i stvareńnie pieršych uzoraŭ takoha ŭzbrajeńnia.
Zajaŭki prymajucca da pačatku lutaha, paśla čaho ŭ sakaviku try abranyja kampanii atrymajuć pa 9 młn funtaŭ sterlinhaŭ, kab na praciahu hoda stvaryć rakiety, hatovyja da vyprabavańniaŭ.
Zatym Brytanija raźličvaje vyrablać pa 10 rakiet u miesiac, pry hetym košt kožnaj, pavodle płanaŭ, nie budzie pieravyšać 800 tysiač funtaŭ (1 młn 72 tysiačy dalaraŭ).
Ciapier čytajuć
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach1
Piać pryčyn — u tym liku adna fantastyčnaja, — pa jakich biełarusam adklučyli śviatło ŭ haradach
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary