Rasijskija vajenkary skardziacca na zakryćcio suviazi praz Starlink. Paŭździejničali ŭkrainskija kontrmiery?
Rasijskija vajenkary paviedamlajuć, što na froncie adklučyłasia spadarožnikavaja suviaź praź sistemu Starlink. Raniej rasijanie vynajšli schiemu, jak hetaj suviaźziu možna karystacca, abychodziačy sankcyi, ale ciapier jana moža pierastać dziejničać.
Vajenkar «Romanov Łajt» adnym ź pieršych paviedamiŭ:
«Pa ŭsim froncie «lehli» Starlinki».
Paźniej jon dapisaŭ, što takija prablemy nibyta nie tolki ŭ rasijan, ale va ŭkraincaŭ.
Inšy rasijski kanał, «Razrabotčik BPŁA», taksama piša:
«Starlinki taki pasypalisia. Ale nie ŭsie. Padrabiaznaściaŭ nie budu havaryć, kab nie dapamahać praciŭniku».
Pry hetym jon spadziajecca, nieviadoma na jakoj padstavie, što pra «zajaŭlenyja raniej biełyja śpisy havorki pakul nie idzie».
Što heta za «biełyja śpisy»? Reč u tym, što suviaź praź sistemu Starlink na rasijska-ŭkrainskim froncie lehalna maje tolki adzin bok — ukrainski. Ukraina nabyvaje hetuju spadarožnikavuju suviaź aficyjna i płacić za jaje pry dapamozie jeŭrapiejskich partnioraŭ. Rasija hetaha aficyjna rabić nie moža — dziejničajuć sankcyi.
U toj ža čas rasijanie znajšli sposaby, kab abyści abmiežavańni, i vykarystoŭvajuć hetu suviaź dla kiravańnia bieśpiłotnikami, jakija ciažka vyjaŭlać i źbivać.
Kab supraćstajać hetamu, va Ukrainie pryniali rašeńnie, što pracavać na terytoryi Ukrainy buduć tolki aŭtaryzavanyja terminały Starlink, jakija ŭklučanyja ŭ «bieły śpis». Kab abstalavańnie trapiła ŭ hety śpis, treba zarehistravać jaho danyja. Dla vajskoŭcaŭ jany rehistrujucca praz dadatak «Armija+», a biznesu i dziaržaŭnym słužboŭcam z 3 lutaha nieabchodna padavać zajaŭku praz partał «Dija».Tolki paśla paćvierdžańnia vieryfikacyi terminałam možna karystacca biez abmiežavańniaŭ.
Ministerstva abarony padkreślivaje, što aŭtaryzacyja Starlink — klučavy elemient abarony suviazi va Ukrainie i krok pa niejtralizacyi pahroz z boku Rasii. Miarkujecca, što heta dazvolić:
- pazbavić voraha technałahičnaj pieravahi;
- pavysić biaśpieku cyvilnych i vajskovych abjektaŭ, u tym liku enierhietyčnaj infrastruktury;
- zabiaśpiečyć stabilnuju i biaśpiečnuju suviaź dla ukraincaŭ.
Možna mierkavać, što ciapierašnija prablemy z suviaźziu praz Starlink na rasijskim baku źjaŭlajucca efiektam mienavita hetych pryniatych mier.
Rasija pačała vykarystoŭvać va Ukrainie šachiedy, padklučanyja da Starlink. Što viadoma i čamu heta niebiaśpiečna
Zapusk rasijskaha anałaha Starlink pieranieśli z-za pravału vytvorčaści spadarožnikaŭ
Starlink pierastaŭ pracavać pa ŭsioj linii frontu va Ukrainie
Iłan Mask nazvaŭ Radasłava Sikorskaha «śliniavym idyjotam»
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie8
Kamientary