Брытанія абяцае вырабляць для Украіны новыя балістычныя ракеты з далёкасцю 500 км
Міністэрства абароны Вялікабрытаніі абвясціла, што мае намер узброіць Украіну сваімі тактычнымі балістычнымі ракетамі, якія пакуль яшчэ знаходзяцца на стадыі распрацоўкі, піша Бі-бі-сі.
«Злучанае Каралеўства распрацуе новыя тактычныя балістычныя ракеты, якія ўзмоцняць агнявую моц Украіны і яе здольнасць абараняцца ад пуцінскай ваеннай машыны», — гаворыцца ў прэс-рэлізе ўрада, апублікаваным у нядзелю.
Гаворка ідзе пра балістычныя ракеты з далёкасцю больш за 500 км і баявой часткай масай каля 200 кг, пра распрацоўку якіх у межах «Праекта Закат» (Project Nightfall) Брытанія паведаміла летась.
«Ракеты Nightfall можна будзе запускаць з цэлага шэрагу наземных платформаў, хутка выпускаць некалькі ракет запар і на працягу некалькіх хвілін адступаць — што дазволіць украінскім войскам наносіць удары па ключавых ваенных мэтах да таго, як расійскія сілы змогуць адказаць», — адзначаецца ў паведамленні.
У снежні Міністэрства абароны Вялікабрытаніі абвясціла конкурс на распрацоўку і стварэнне першых узораў такога ўзбраення.
Заяўкі прымаюцца да пачатку лютага, пасля чаго ў сакавіку тры абраныя кампаніі атрымаюць па 9 млн фунтаў стэрлінгаў, каб на працягу года стварыць ракеты, гатовыя да выпрабаванняў.
Затым Брытанія разлічвае вырабляць па 10 ракет у месяц, пры гэтым кошт кожнай, паводле планаў, не будзе перавышаць 800 тысяч фунтаў (1 млн 72 тысячы даляраў).
Цяпер чытаюць
Вандроўнік і бізнэсовец з Мінска за два дні знайшоў сабе праз сацсеткі нявесту — найбольш спадабалася дзяўчына з Расіі16
Каментары