Як выратавалі другога лётчыка амерыканскага знішчальніка F-15 з глыбіні Ірана? Сталі вядомы дэталі аперацыі
Ён хаваўся ў гарах у чаканні дапамогі, маючы са зброі толькі пісталет.
Амерыканскі самалёт F-15E Strike Eagle быў збіты над Іранам 3 красавіка. Два члены экіпажа катапультаваліся з кабіны. Першага лётчыка хутка выратавалі, але другога адразу знайсці не ўдалося.
Ён хаваўся ў гарах, маючы са зброі толькі пісталет. Яго пошук быў найвышэйшым прыярытэтам амерыканскіх вайскоўцаў на працягу апошніх 48 гадзін.
Дэталі выратавальнай аперацыі апісвае The New York Times.
У місіі па выратаванні задзейнічалі сотню спецназаўцаў, дзесяткі амерыканскіх ваенных самалётаў, верталётаў і іншыя магчымасці.
Амерыканскія ўдарныя самалёты скідалі бомбы і адкрывалі агонь па іранскіх калонах, каб не дапусціць іх да раёна, дзе хаваўся лётчык. Калі амерыканскія сілы наблізіліся да свайго афіцэра, успыхнула перастрэлка.
У лётчыка пры сабе быў маяк і прылада бяспечнай сувязі для каардынацыі з выратавальнай місіяй. Высокапастаўлены ваенны чыноўнік ЗША назваў гэту місію адной з самых складаных і комплексных у гісторыі амерыканскіх спецыяльных аперацый.
Пасля таго як афіцэра выратавалі, два транспартныя самалёты, якія павінны былі даставіць яго і ваенных у бяспечнае месца, захраслі на аддаленай базе ў Іране. Яны былі пашкоджаныя. Камандаванне вырашыла накіраваць тры новыя самалёты для эвакуацыі ўсяго амерыканскага ваеннага персаналу, а два пашкоджаныя падарвалі, каб яны не патрапілі ў рукі іранцаў.
Гэта адбывалася ў гарах на паўднёвым захадзе Ірана, дзе існуе значная апазіцыя да іранскага ўрада.
Па інфармацыі іншых СМІ, выратаваны афіцэр цяпер знаходзіцца ў бяспецы на тэрыторыі Кувейта. Усе амерыканскія сілы пакінулі паветраную прастору Ірана. У аперацыі дапамагаў таксама Ізраіль.
Пра паспяховае завяршэнне місіі абвесціў таксама Дональд Трамп.
Цяпер чытаюць
Качанава прапанавала ўвесці адказнасць за «няпраўду ў тыктоку»14
Каментары
Устойство называется CSEL (Combat Survivor Evader Locator). Производится компанией Боинг.
Основные области применения:
Отслеживание местоположения: автоматическая передача точных данных о местоположении с помощью GPS спасательным службам.
Безопасный обмен сообщениями: позволяет экипажу сбитого самолета отправлять и получать текстовые сообщения через спутники, избегая голосовой связи, которая может быть перехвачена.
Связь в чрезвычайных ситуациях: обеспечивает надёжную связь за горизонтом видимости как в боевых, так и в мирных условиях.
Интеграция в боевую практику: встроена в спасательное снаряжение экипажа для аутентификации и идентификации выживших.