U Mazambiku pamierła viadomaja va ŭsim śviecie žančyna, jakuju nazyvali «dziciom-cudam»
U Mazambiku paśla praciahłaj chvaroby pamierła 25‑hadovaja Rasita Salvador Mabujanhu — žančyna, jakuju nazyvali «dziciom-cudam», bo jana naradziłasia na drevie padčas razburalnaj pavodki, piša Bi-bi-si.
Rasita źjaviłasia na śviet u 2000 hodzie, kali na poŭdni krainy raka Limpapo vyjšła ź bierahoŭ i vyklikała samuju maštabnuju pavodku ŭ historyi Mazambika. Tady zahinuli sotni ludziej, a sotni tysiač zastalisia biez damoŭ. Niemaŭla razam z maci było vyratavana paŭdniovaafrykanskimi vajskoŭcami z dapamohaj viertalota — hetyja kadry ablacieli ŭvieś śviet i stali simvałam trahiedyi.
Jak paviedamili svajaki žančyny, Rasita šmat hadoŭ pakutavała ad aniemii, a taksama chvareła na suchoty. Z-za rezkaha paharšeńnia svajho stanu jana bolš za dva tydni znachodziłasia ŭ balnicy, dzie i pamierła 12 studzienia.
Maci dziaŭčyny ŭspaminała, što padčas pavodki siamja niekalki dzion praviała na drevie bieź ježy i dapamohi. Rody pačalisia prosta tam, nad vadoj, i rodnyja trymali źnizu tkaninu, kab dzicia ŭ vadu nie ŭpała. Kali ratavalniki znajšli siamju, niemaŭla jašče było złučana z maci pupavinaj.
Maci i dačka stali simvałami čałaviečaj stojkaści pierad stychijaj. Paźniej jany navat naviedali ZŠA, dzie raskazvali pra nastupstvy katastrofy i zaklikali da dapamohi Mazambiku.
Rasita vyrasła ŭ rodnaj miascovaści, skončyła škołu i piać hadoŭ tamu sama stała maci. Adnak, niahledziačy na abiacańni ŭładaŭ, joj tak i nie ŭdałosia atrymać stypiendyju dla navučańnia va ŭniviersitecie.
U afrykanskaj dziaržavie Nihier źnikła vialikaja partyja ŭranu. Za hetym mohuć stajać Iran ci Rasija
U zakinutaj šachcie ŭ Paŭdniovaj Afrycy padčas błakady ŭładami zahinuli 78 nielehalnych rabočych
Razburalny cykłon udaryŭ pa francuzskim archipiełahu Majota: imavierna, zahinuli sotni ludziej
Poŭdzień Afryki achapiŭ najmacniejšy za dziesiacihodździ kryzis charčavańnia
Kamientary