U jakaści abjektaŭ ataki razhladajucca rajony krainy i hrupy ludziej, jakija raniej nie ličylisia celami ZŠA.
Raniej prezident ZŠA napisaŭ u sacsietcy Truth Social, što Iran, jaki byŭ razhromleny, paprasiŭ prabačeńnia ŭ svaich blizkaŭschodnich susiedziaŭ i zdaŭsia im, paabiacaŭšy bolš nie stralać pa ich.
«Hetaje abiacańnie było dadzienaje tolki z-za biaźlitasnych atak z boku ZŠA i Izraila. Jany chacieli zachapić i kiravać Blizkim Uschodam. Heta pieršy vypadak za tysiačy hadoŭ, kali Iran prajhraŭ susiednim krainam Blizkaha Uschodu. Jany skazali: «Dziakuj, prezident Tramp». Ja adkazaŭ: «Niama za što!» — napisaŭ jon.
Taksama Centr kamandavańnia Uzbrojenych sił Irana (u ich uvachodziać armija, siły pravaparadku i Korpus vartavych isłamskaj revalucyi) prakamientavaŭ słovy prezidenta krainy Masuda Piezieškijana pra toje, što Tehieran nie budzie atakavać susiednija krainy, kali tolki jany nie naniasuć udar pieršymi.
Iran «pavažaje intaresy i nacyjanalny suvierenitet susiednich krain i nie pradprymaŭ nijakich varožych dziejańniaŭ u dačynieńni da ich», — cytuje blizkaje da iranskich uładaŭ ahienctva Mehr News zajavu vajskoŭcaŭ.
Pry hetym usie vajennyja bazy i inšyja abjekty, jakija naležać «ZŠA i «sijanisckamu režymu» na sušy, mory abo ŭ kosmasie pa ŭsim rehijonie, buduć ličycca hałoŭnymi metami mahutnych udaraŭ Uzbrojenych sił Isłamskaj Respubliki Iran».
Pasolstva Biełarusi ŭ Tehieranie zaklikała biełarusaŭ pakinuć krainu praz naziemnyja miežy z Armienijaj i Azierbajžanam, bo pavietranaja prastora zakrytaja.
Kamientary