Paśla piražkoŭ i kukuruzy Pašynian kaštuje ŭ aŭtobusie armianski prysmak
Premjer-ministr Armienii Nikoł Pašynian praciahvaje vykładać u sacsietki svaje pierakusy ŭ aŭtobusie. Raniej byli roliki ź piražkom i kukuruzaj, jakija imhnienna stali virusnymi. Ciapier premjer, siedziačy ŭ kapielušy ŭ aŭtobusie, łasavaŭsia aštarakskim sałodkim sudžucham.
Heta armianski prysmak z hreckich arechaŭ, nanizanych na nitku i zalitych hustym vinahradnym sokam. Ad hruzinskaj čurčchieły jaho adroźnivaje bolš rezki smak śpiecyj.
U kamientarach žartujuć:
«Mnie padabajecca mieniu».
«Mnie padabajecca hety sieryjał, adzinaje pazityŭnaje za apošni čas, dy i naohuł hety kanał pazityŭny, to muzyka, to sercajki. Usim zdaroŭja».
«Jedziem z adnakłaśnikami na ekskursiju zamiest urokaŭ».
«A jak my možam dałučycca da vašych turaŭ?»
Ekśpierty miarkujuć, što hetyja roliki ź niepasrednym Pašynianam — pijar-kampanija napiaredadni parłamienckich vybaraŭ u červieni 2026 hoda. Ułady sprabujuć źmianić paradak dnia i sfarmiravać vobraz blizkaha da naroda palityka, jaki «žyvie dalej» paśla ŭsich nacyjanalnych i asabistych trahiedyj (Pašynian niadaŭna razyšoŭsia z žonkaj).
Raniej Pašynian užo padarvaŭ sacsietki rolikami, dzie z sumnym tvaram słuchaŭ Ziemfiru i Džona Lenana, a naprykancy studzienia i zusim debiutavaŭ u jakaści barabanščyka na kancercie ŭłasnaha muzyčnaha hurta «Varčabend».
Ciapier čytajuć
KDB zapuściŭ novy bot u telehramie dla viarboŭki biełarusaŭ za miažoj. Prapanujuć rasklejvać ulotki, fatahrafavać abjekty i «niešta inšaje»4
Kamientary