Takim čynam jany chočuć likvidavać deficyt nafty na suśvietnym rynku, jaki ŭźnik u vyniku ŭdaraŭ ZŠA i Izraila pa Iranie. Heta stanie finansavym paratunkam dla Maskvy, ekanomika jakoj ściskałasia ad padzieńnia naftahazavych dachodaŭ.
Złučanyja Štaty Amieryki razhladajuć varyjant źniaćcia sankcyj z nafty krainy-ahresara RF. Pra heta 6 sakavika ŭ efiry Fox Business zajaviŭ ministr finansaŭ ZŠA Skot Besent, frahmient intervju jakoha apublikavaŭ Clash Report u sacyjalnaj sietcy X.
Takim čynam, pavodle słoŭ Besenta, ZŠA chočuć likvidavać deficyt nafty, jaki źjaviŭsia paśla pačatku vajennaj apieracyi suprać Irana. Jon taksama nahadaŭ, što ZŠA asłabili sankcyi suprać Indyi i dazvolili naftapierapracoŭčym zavodam krainy na praciahu 30 dzion kuplać rasijskuju naftu, «jakaja ŭžo znachodzicca ŭ mory».
«My možam źniać sankcyi i ź inšaj rasijskaj nafty. Na vadzie znachodziacca sotni miljonaŭ barelaŭ nafty, na jakija nakładzieny sankcyi, i, pa sutnaści, źniaŭšy sankcyi, Ministerstva finansaŭ moža stvaryć dadatkovuju prapanovu, i my razhladajem takuju mahčymaść», — adznačyŭ jon.
Pra toje, pra jakija mienavita sankcyi idzie havorka, Besent nie ŭdakładniŭ.
Źniaćcio sankcyj stanie finansavym paratunkam dla Maskvy, ekanomika jakoj ściskałasia ad padzieńnia naftahazavych dachodaŭ. Dachody ad ekspartu papoŭniać biudžet, ilvinaja dola jakoha tracicca na finansavańnie armii, i źniziać pahrozu sacyjalnaha vybuchu.
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy12
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary