Viadučy ANT, jaki prasłaviŭsia miemam pra asu ŭ kadry, raskazaŭ, što było paśla taho videa
Viadučy Ihar Ułanaŭ (Dźmitryjeŭ) raskazaŭ pra siabie ŭ jutub-pieradačy «O(b)sudžajem».
U 2011 hodzie žurnalist telekanała ANT Ihar Ułanaŭ (na toj momant jon pracavaŭ śpiecyjalnym karespandentam pa Łatvii i Vialikabrytanii) rabiŭ repartaž z Ryhi, kali zdaryŭsia kazus — u kadr zalacieła asa. Viadučy emacyjna adreahavaŭ:
«Nu što heta, bł***? U kamiery asa. Bł***, nu, zhani jaje ŭ p***u, jana lezie ŭ abjektyŭ».
Toj rolik jon paśla vykłaŭ u siabie ŭ sacsietkach. Ale kiraŭnictva telekanała žartu nie acaniła.
«Mnie litaralna praz paru dzion patelefanavaŭ adzin z dyrektaraŭ kanała prosta ŭ šalenstvie: «Ihar, chto ciabie tak padstaviŭ, što naohuł adbyvajecca?» A ja taki kažu: «A što dzie?» Jon kaža: «Voś, nu hety rolik ža z asoj». Ja: «Dyk heta ž prosta žart». «N***ia sabie žart». Mnie praŭda było nie da taho, kab adsočvać hety miem. Akazałasia, što hetuju asu ŭžo prybrali ŭ milicejskuju furažku, prylapili Łukašenku, i ja Łukašenku zhaniaju ŭ p***u», — raskazaŭ viadučy.
Kiraŭnictva ANT pierapałochałasia, a Ihar, uradženiec Łatvii, ščyra nie razumieŭ ich — spačatku spadziavaŭsia, što jamu vypišuć premiju za papularyzacyju kanała.
U vyniku, kab zachavać pracu, viadučy vydaliŭ rolik.
Cikava, što ŭ Łatvii jaho niekatoryja paznavali mienavita pa tym videa z asoj.
Ciapier Ihar vyvučaje mastactva ŭ Łondanskim kaledžy sučasnaha mastactva i supracoŭničaje z azierbajdžanskim telebačańniem.
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ42
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1515
Kamientary
Mnie intieriesno, čto diełajet na "hiejropskich" ostrovach byvšij (?) łukašistskij propahandist.