Jakija dačy ŭ biudžecie da $50 tysiač pradajuć u miežach MKAD-2

Samaje tannaje lecišča ŭ vakolicach MKAD-2 znachodzicca ŭ niepasrednaj blizkaści da trasy ŭ sadovym tavarystvie «Krynica» Vałožynskaha rajona. Za 6 sotak ziamli i nievialiki cahlany domik z draŭlanaj prybudovaj prosiać usiaho 7500 dalaraŭ.

Pavialičyć

U abjavie tolki adno fota, pa jakim bačna, što domik maje treščyny ŭ kładcy (jon pabudavany ŭ 2019 hodzie).

Siarod plusaŭ pradaviec nazyvaje najaŭnaść mabilnaha pakryćcia z chutkim internetam i toje, što ŭčastak roŭny i suchi.

Dvie nastupnyja pa darahoŭli dačy acenieny ŭ 9000 dalaraŭ. Znachodziacca jany pryblizna za 30‑35 kiłamietraŭ ad stalicy.

Pavialičyć

Učastki ŭ ich pa 4,3 i 5 sotak. Abodva varyjanty — typovyja biudžetnyja leciščy z tualetam na vulicy, vahonkaj unutry i meblaj časoŭ SSSR, jakuju zamiest zvałki źvieźli na daču.

Za $11 tysiač pradajuć daču ŭsiaho za 14 kiłamietraŭ ad MKAD i 4 kiłamietry ad Minskaha mora. Učastak nievialiki — 3,8 sotki, ale znachodzicca pobač ź lesam.

Pavialičyć

Sam dačny domik 1984 hoda pabudovy i zvonku vyhladaje davoli badziorym. Interjery ŭ im typovyja dla ŭzrostavych leciščaŭ pa nizie rynku.

Za $11 900 pradajuć daču za 20 kiłamietraŭ ad Minska ŭ maładziečanskim kirunku. 

Pavialičyć

Učastak pamieram 4 sotki vuhłavy i mieścicca pobač ź lesam. Zrub staić na vysokim padmurku, unutry pieč. Hod pabudovy — 1988, tamu interjery tam adpaviednyja.

Za 16 300 dalaraŭ možna kupić dvuchpaviarchovuju cahlanuju daču 1992 hoda pabudovy za 30 kiłamietraŭ ad Minska niepadalok ad Piatryšak. 

Pavialičyć

Učastak abniesieny płotam, u domie płastykavyja vokny, jość piečka.

Za $19 900 pradajuć daču ŭ sadovym tavarystvie «Zorka». Dom draŭlany 1968 hoda pabudovy. 

Pavialičyć

Ad inšych varyjantaŭ lecišča vyłučaje pryhožy ŭčastak z łandšaftnym dyzajnam i zonami dla adpačynku.

Ale ŭnutry ŭsio davoli ścipła. Navat vady ŭ domie niama. Asobny honar tut — heta stylovaja terasa.

Za 18 km ad MKAD pa Miadzielskim kirunku za 25 tysiač prapanujuć lecišča niepryvabnaje zvonku, zatoje z sučasnym ramontam unutry.

Pavialičyć

Tut jość nievialikaja kuchnia, spalnia, dziciačy pakoj, tualet, dušavaja, telebačańnie «Zała» i navat pralnaja mašynka, jakaja pradajecca razam z domam 1990 hoda pabudovy. Pamier učastka — 4 sotki.

Admietna, što ŭ dyjapazonie 25—35 tysiač dalaraŭ usie leciščy, jak praviła, vyhladajuć jak typovaje «pryvitańnie z SSSR».

Bolš sučasnyja varyjanty pradajuć užo pa cenach kala 35 tysiač i bolš.

Tak, 34 500 dalaraŭ prosiać za lecišča za 18 kiłamietraŭ ad Minska pobač ź Juchnaŭskim bijałahičnym zakaźnikam. Pamier učastka — standartnyja 6 sotak, na jakich staić dvuchpaviarchovy draŭlany domik 1994 hoda pabudovy.

Pavialičyć

U domie płastykavyja vokny, dach ź mietałačarapicy. I, badaj, samaje hałoŭnaje, što tam jość paŭnavartasny vanny pakoj z tualetam, bojleram, dušam i pralnaj mašynkaj. Dy i ahułam interjery tam vyhladajuć našmat lepš, čym u bolšaści varyjantaŭ za plus-minus tyja samyja hrošy.

Za $35 tysiač pradajuć lecišča za 20 kiłamietraŭ ad stalicy ŭ sadovym tavarystvie «Sajuz», što mieścicca pamiž MKAD-2 i Zasłaŭjem.

Pavialičyć

Pamier učastka — 5 sotak. Dom 1990 hoda pabudovy, tamu interjer tam adpaviedny. Sam učastak dahledžany, z manhałam, altankaj i niekalkimi hradkami. Ale prybiralnia tut, u adroźnieńnie ad papiaredniaha varyjanta za $34500, — na vulicy.

Niepadalok ad linii Stalina za 45 tysiač dalaraŭ pradajecca novy karkasny dom z dreva 2024 hoda pabudovy. Pamier učastka — 5 sotak.

Pavialičyć

Dom uciepleny, u im jość piačnoje aciapleńnie z radyjatarami. Taksama jość sanvuzieł i nievialičkaja łaźnia. Pakolki ŭ domie nichto nie žyŭ, nijakaj mebli ŭ im niama, tamu daviadziecca jašče krychu dainviestavać u jaho. Abo, jak heta zvyčajna robiać, — zavieźci tudy staruju meblu.

Za 48 900 dalaraŭ jość lecišča za 25 kiłamietraŭ ad Minska i 3 km ad Piatryšak. Na ŭčastku pamieram 8,5 sotki staić dvuchpaviarchovy dom 1984 hoda pabudovy.

Pavialičyć

Ramont u im rabili nie tak daŭno. Aproč paŭnavartasnaj kuchni, na mansardnym paviersie jość dušavaja kabina z bojleram.

Ahułam dabrotnych leciščaŭ u vakolicach Minska ŭ biudžecie da 50 tysiač dalaraŭ, jakija nie akunajuć vas u atmaśfieru saŭka, niašmat.

Siarod tych, što kaštujuć bolš za 50 tysiač dalaraŭ, možna vyłučyć sučasny karkasny domik u sadovym tavarystvie «Majak», što za 24 km ad Minska i 1,5 km ad MKAD-2. Za stylovaje lecišča 2025 hoda pabudovy prosiać 58 tysiač dalaraŭ.

Pavialičyć

Pamier učastka tut 10 sotak. Adrazu za im idzie vychad u les, i ŭsiaho adzin susied pobač.

Aproč asnoŭnaha dvuchpaviarchovaha choła z panaramnymi voknami i kaminam, na druhim uzroŭni jość spalnaje pamiaškańnie.

Pavialičyć

Pad im mieściacca prybiralnia i jašče adzin nievialiki pakojčyk płoščaj 7,3 mietra. Choć u apisańni i paznačana 100‑pracentnaja hatoŭnaść, da zasialeńnia siudy daviadziecca krychu inviestavać — jak minimum u vanny pakoj i kuchonnuju zonu.

• 0
• 1
• 1
• 2
• 0
• 1
• 1
• 0