Jeŭrasajuz adkłaŭ razhlad prapanovy pra poŭnuju zabaronu na impart rasijskaj nafty
Jeŭrakamisija płanavała pradstavić zakonaprajekt ab poŭnaj admovie ad rasijskaj nafty ŭ siaredzinie krasavika, ale ciapier kankretnaj novaj daty niama, choć ad samoj idei nie admaŭlajucca, paviedamlaje Euronews.
Hałoŭnaja pryčyna situacyi, jakaja skłałasia — niestabilnaść na enierhietyčnym rynku, vyklikanaja vajnoj na Blizkim Uschodzie. Z-za hetaha ceny na naftu vyraśli (bolš za 100 dalaraŭ za barel), i ŭ takich umovach uvodzić novyja žorstkija miery pakul składana.
Dadatkovym faktaram stała napružanaść u adnosinach ź Vienhryjaj i Słavakijaj, jakija praciahvajuć kuplać rasijskuju naftu i zaležać ad jaje pastavak praz trubapravod «Družba».
Na rašeńnie taksama paŭpłyvała situacyja vakoł Irana: vajennyja dziejańni i pahroza błakavańnia Armuzskaha praliva, praź jaki idzie značnaja častka suśvietnych pastavak nafty i hazu, jašče bolš uzrušyli rynak. Navat zajavy pra mahčymyja pieramovy pamiž ZŠA i Iranam vyklikali vahańni cenaŭ.
Pry hetym ZŠA častkova asłabili sankcyi suprać rasijskaj nafty, što vyklikała niezadavolenaść u Jeŭropie.
Ale ŭ ES padkreślivajuć: adkładańnie — heta nie admova ad płanaŭ. Tam ličać, što viartańnie da rasijskich enierharesursaŭ u budučyni budzie surjoznaj stratehičnaj pamyłkaj.
Asobnaja prablema — pazicyja Vienhryi i Słavakii. Jany ŭžo majuć vyklučeńni ź dziejnych sankcyj i pahražajuć sudovymi pazovami, kali novyja abmiežavańni buduć uviedzienyja. Akramia taho, pamiž hetymi krainami i Ukrainaj idzie sprečka vakoł pracy trubapravoda «Družba»: Kijeŭ zajaŭlaje pra jaho paškodžańnie, a Budapiešt i Bracisłava ličać, što pastaŭki spynienyja pa palityčnych pryčynach.
Hety kanflikt taksama tarmozić inšyja rašeńni, u tym liku vydzialeńnie Ukrainie vialikaha finansavaha pakieta dapamohi.
Kali vajna ŭ Iranie najbližejšym časam nie skončycca, śviet moža ŭstupić u najmacniejšy enierhakryzis z 1970‑ch hadoŭ
«Nivodnaj malekuły». Jeŭrakamisija nie źbirajecca adstupać ad palityki admovy ad rasijskich resursaŭ
Pucin prapanavaŭ Jeŭropie znoŭ kuplać u jaho naftu i haz
Fica hatovy zamianić Orbana ŭ błakavańni 90 miljardaŭ jeŭra dla Ukrainy, kali toj prajhraje vybary
Jeŭrasajuz nie patrabuje ad Ukrainy chutka ramantavać naftapravod «Družba»
Ciapier čytajuć
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła20
Kamientary
— «Pucin niebiaśpiečny! Jon moža napaści!»
— «Žach! Što robim?»
— «Kupim u jaho jašče trochi nafty. Kab byŭ u tonusie».
— «i hrošaj Ukrainie nie dadzim».
"Hety kanflikt taksama tarmozić inšyja rašeńni, u tym liku vydzialeńnie Ukrainie vialikaha finansavaha pakieta dapamohi"