Еўрасаюз адклаў разгляд прапановы пра поўную забарону на імпарт расійскай нафты
Еўракамісія планавала прадставіць законапраект аб поўнай адмове ад расійскай нафты ў сярэдзіне красавіка, але цяпер канкрэтнай новай даты няма, хоць ад самой ідэі не адмаўляюцца, паведамляе Euronews.
Галоўная прычына сітуацыі, якая склалася — нестабільнасць на энергетычным рынку, выкліканая вайной на Блізкім Усходзе. З-за гэтага цэны на нафту выраслі (больш за 100 даляраў за барэль), і ў такіх умовах уводзіць новыя жорсткія меры пакуль складана.
Дадатковым фактарам стала напружанасць у адносінах з Венгрыяй і Славакіяй, якія працягваюць купляць расійскую нафту і залежаць ад яе паставак праз трубаправод «Дружба».
На рашэнне таксама паўплывала сітуацыя вакол Ірана: ваенныя дзеянні і пагроза блакавання Армузскага праліва, праз які ідзе значная частка сусветных паставак нафты і газу, яшчэ больш узрушылі рынак. Нават заявы пра магчымыя перамовы паміж ЗША і Іранам выклікалі ваганні цэнаў.
Пры гэтым ЗША часткова аслабілі санкцыі супраць расійскай нафты, што выклікала незадаволенасць у Еўропе.
Але ў ЕС падкрэсліваюць: адкладанне — гэта не адмова ад планаў. Там лічаць, што вяртанне да расійскіх энергарэсурсаў у будучыні будзе сур’ёзнай стратэгічнай памылкай.
Асобная праблема — пазіцыя Венгрыі і Славакіі. Яны ўжо маюць выключэнні з дзейных санкцый і пагражаюць судовымі пазовамі, калі новыя абмежаванні будуць уведзеныя. Акрамя таго, паміж гэтымі краінамі і Украінай ідзе спрэчка вакол працы трубаправода «Дружба»: Кіеў заяўляе пра яго пашкоджанне, а Будапешт і Браціслава лічаць, што пастаўкі спыненыя па палітычных прычынах.
Гэты канфлікт таксама тармозіць іншыя рашэнні, у тым ліку выдзяленне Украіне вялікага фінансавага пакета дапамогі.
Калі вайна ў Іране найбліжэйшым часам не скончыцца, свет можа ўступіць у наймацнейшы энергакрызіс з 1970‑х гадоў
«Ніводнай малекулы». Еўракамісія не збіраецца адступаць ад палітыкі адмовы ад расійскіх рэсурсаў
Пуцін прапанаваў Еўропе зноў купляць у яго нафту і газ
Фіца гатовы замяніць Орбана ў блакаванні 90 мільярдаў еўра для Украіны, калі той прайграе выбары
Еўрасаюз не патрабуе ад Украіны хутка рамантаваць нафтаправод «Дружба»
Цяпер чытаюць
35‑гадовы дальнабойшчык з Беларусі раптоўна памёр у Кітаі. Гэта муж самай тытулаванай беларускай дзюдаісткі11
Каментары
— «Пуцін небяспечны! Ён можа напасці!»
— «Жах! Што робім?»
— «Купім у яго яшчэ трохі нафты. Каб быў у тонусе».
— «і грошай Украіне не дадзім».
"Гэты канфлікт таксама тармозіць іншыя рашэнні, у тым ліку выдзяленне Украіне вялікага фінансавага пакета дапамогі"