Беларус напаў з нажом на расійскага паліцэйскага, які сабраўся затрымаць яго за нелегальнае знаходжанне ў краіне
Сяргей Мулы атрымаў год калоніі-пасялення. Але з'ехаць з Расіі ўсё ж давядзецца.
Грамадзяніна Беларусі Сяргея Мулага прызналі вінаватым у прымяненні гвалту ў адносінах прадстаўніка ўлады (частка 1 артыкула 318 КК Расіі) і прызначылі яму пакаранне ў выглядзе аднаго года пазбаўлення волі з адбываннем у калоніі-паселішчы.
Мулы — разведзены, з няпоўнай сярэдняй адукацыяй, без працы — з красавіка 2023 года жыў у вёсцы Конанава Сафонаўскага раёна Смаленскай вобласці разам з жанчынай. Пашпарт грамадзяніна Беларусі ён, паводле ўласных паказанняў, згубіў падчас працы ў Маскве.
19 лістапада 2023 года Мулы выпіваў з сужыцелькай. Узнік канфлікт, пасля чаго жанчына выклікала паліцыю, паведаміўшы, што яе б'юць і душаць. На выклік прыехалі старшы ўчастковы ўпаўнаважаны паліцыі і аператыўнік крымінальнага вышуку. Яны вызначылі, што Мулы незаконна знаходзіцца на тэрыторыі Расіі, таму прапанавалі праехаць у аддзяленне, каб скласці пратакол.
Мулы вярнуўся ў кватэру, узяў на кухні нож, пасля чаго зноў выйшаў да паліцэйскіх. Абмацюкаўшы паліцэйскіх, беларус схапіў аднаго з іх за каўнер і паспрабаваў нанесці ўдар нажом у жывот. Той перахапіў руку з нажом і выбіў зброю, аднак Мулы нанёс яму ўдар кулаком у вока, не менш за тры ўдары кулаком па патыліцы і ўдар нагой па галёнцы. Другі паліцэйскі, які знаходзіўся на лесвічнай пляцоўцы, адцягнуў беларуса і заламаў яго.
У судзе Мулы поўнасцю прызнаў віну і раскаяўся. Суддзя ўлічыла, што беларус быў п'яны, а таксама тое, што ён не мае рэгістрацыі і пастаяннага месца жыхарства ў Расіі і раней прыцягваўся да адміністрацыйнай адказнасці. Апроч таго, у Мулага сіндром алкагольнай залежнасці сярэдняй стадыі.
Каментары
Сами небось по вечерам бухают и своих жён и детей избивают. Для россиян это нормально. Особенно для ментов.
[Зрэдагавана]