Padčas pratestaŭ u Iranie zahinuli nie mienš za 2 tysiačy čałaviek — Reuters
Ahienctva Reuters biez padrabiaznaściaŭ paviedamiła sa spasyłkaj na iranskaha čynoŭnika, što zahinuli kala 2 tysiač čałaviek.
Ahienctva padkreśliła, što krynica ŭskłała adkaznaść za hibiel mirnych žycharoŭ i supracoŭnikaŭ sił biaśpieki na «terarystaŭ».
U svaju čarhu brytanski telekanał Iran International zajaviŭ, što 8 i 9 studzienia padčas pratestaŭ u Iranie zahinuli 12 tysiač čałaviek.
Hetyja źviestki žurnalisty pryvodziać, spasyłajučysia na infarmacyju, atrymanuju ad krynicy, blizkaj da Vyšejšaj rady nacyjanalnaj biaśpieki Irana, dźviuch krynic u administracyi prezidenta, a taksama na śviedčańni niekalkich krynic u Korpusie vartavych isłamskaj revalucyi, pakazańni vidavočcaŭ, palavyja spravazdačy i źviestki miedycynskich ustanoŭ.
Telekanał śćviardžaje, što «ź niadzieli abjom dokazaŭ i supadzieńniaŭ śviedčańniaŭ dasiahnuŭ taho ŭzroŭniu, kali stała mahčymaj adnosna dakładnaja acenka». Taksama adznačajecca, što ŭ ciapierašniaj situacyi padlik achviar źjaŭlajecca składanym i patrabuje značnaha času.
Ułady Irana ŭ niadzielu abviaścili trochdzionnuju nacyjanalnuju žałobu «ŭ pamiać ab pakutnikach, jakija zahinuli ŭ supracivie Złučanym Štatam i sijanisckamu režymu», paviedamiła dziaržaŭnaje infarmacyjnaje ahienctva.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram30
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary
I vitajcie - Siryja 2.0