U Litvie aryštavali hrupu, jakaja dapamahała vajenpramu Rasii i Biełarusi za jeŭrapiejskija hrošy. U joj byli i biełarusy
Litoŭskaja Słužba rasśledavańnia finansavych złačynstvaŭ razam z Departamientam dziaržaŭnaj biaśpieki viadzie rasśledavańnie dziejnaści arhanizavanaj hrupy, jakuju padazrajuć u machlarstvie z metaj niezakonnaha atrymańnia finansavaj dapamohi Jeŭrapiejskaha sajuza i padrobcy dakumientaŭ. Spravu kaardynuje Jeŭrapiejskaja prakuratura, paviedamlaje Delfi.lt.
Pavodle materyjałaŭ śledstva, u schiemu byli ŭciahnutyja kampanii, zarehistravanyja ŭ Litvie, ale źviazanyja z rasijskaj i biełaruskaj vajskovaj pramysłovaściu, jakaja znachodzicca pad sankcyjami ES. Miarkujecca, što hrupa ŭžo niezakonna atrymała kala paŭmiljona jeŭra.
Padazreńni vystavili šaści asobam, u tym liku adnamu jurydyčnamu subjektu, praviedzienyja pieratrusy.
Vyśvietliłasia, što hramadzianie Litvy, Rasii i Biełarusi stvaryli ŭ Litvie vysokatechnałahičnyja pradpryjemstvy, praź jakija atrymlivali jeŭrapiejskija srodki, a vyrablenuju pradukcyju vyvozili ŭ Rasiju i Biełaruś. Havorka idzie pra mikraschiemy, paŭpravadniki, navihacyjnyja sistemy i inšyja techničnyja prystasavańni.
Dla atrymańnia finansavańnia padazravanyja nibyta padavali falšyvyja dakumienty ŭ Ahienctva ES pa kaśmičnaj prahramie, płanujučy prajekt koštam bolš za miljon jeŭra, značnuju častku jakoha pavinna było pakryć ES. Častku hetych hrošaj kampanija ŭžo paśpieła atrymać.
Śledčyja ličać, što vyviezienaja ź Litvy pradukcyja mahła vykarystoŭvacca ŭ rasijskaj i biełaruskaj vajskovaj pramysłovaści, što parušaje zakanadaŭstva i ŭjaŭlaje pahrozu nacyjanalnaj biaśpiecy Litvy i ŭsiaho Jeŭrapiejskaha Sajuza. Členy hrupy mieli suviazi z pradpryjemstvami, jakija trapili pad sankcyi ES.
U 2025 hodzie dźvie litoŭskija kampanii, źviazanyja sa spravaj, byli aficyjna pryznanyja pahrozaj biaśpiecy ES.
U śniežni pačałasia maštabnaja apieracyja: u roznych haradach praviali bolš za dziesiać pieratrusaŭ, zatrymali padazravanych, u tym liku adnaho z arhanizataraŭ — hramadzianina Biełarusi z dazvołam na žycharstva ŭ Litvie. Adzin čałaviek uziaty pad vartu, jašče dvuch inšaziemcaŭ praciahvajuć šukać.
Litoŭskija deputaty źviarnuli ŭvahu na spravu hramadzianina Litvy Siarhieja Botviča, jaki haładaje ŭ «Voŭčych Norach»
Ministr abarony Litvy: Hrošy ad tranzitu biełaruskaha kaliju praź Litvu možna pieraličvać Ukrainie
Hibrydnyja ataki i kantrabanda: Litva ŭzmacniaje ŭvahu da miažy ź Biełaruśsiu
Śpikier Siejma Litvy dapuściŭ źmianieńnie adnosin ź Biełaruśsiu: adny tolki sankcyi dajuć vynik, ale nie kančatkovy
Litva naniesła maštabny ŭdar pa «bałonikavaj» mafii: zatrymanyja kiraŭniki i dziasiatki kantrabandystaŭ
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary