Byłomu top-mieniedžaru ProStore i IT-kampanii dali try hady kałonii pa palityčnym artykule
Illa Dzindzikaŭ pracavaŭ na kiraŭničych pasadach u viadomych kampanijach. Niadaŭna jaho asudzili pa palityčnym kryminalnym artykule.
Illu Dzindzikavu 35 hadoŭ. Jon rodam z ahraharadka Jušavičy Niaśvižskaha rajona.
U 2008‑m Illa pajechaŭ vučycca ŭ Minsk. U 2013 hodzie skončyŭ Instytut žurnalistyki BDU pa śpiecyjalnaści «aŭdyjovizualnyja ŚMI», a paźniej dadatkova pavyšaŭ kvalifikacyju ŭ Brytanskaj vyšejšaj škole dyzajnu.
Jašče studentam, u 2012 hodzie, Illa pačaŭ pracavać internet-markietołaham i kapirajteram u kampanijach «Albijon Hrup», PublicGroup i ARTOX. Adrazu paśla ŭniviersiteta, u 2013-m, jon zarehistravaŭ IP i stvaryŭ ułasny prajekt fmb.by — «pieršy markietynhavy bucik u Biełarusi». Paralelna mužčyna pracavaŭ kantent-dyrektaram u siervisie «Asistent» i brend-mieniedžaram u Esiga Group. Z 2014 pa 2016 hod jon zajmaŭ pasadu viadučaha śpiecyjalista ŭpraŭleńnia markietynhu ŭ MTBanku.
Da pačatku 2020‑ha Dzindzikaŭ byŭ namieśnikam načalnika ŭpraŭleńnia prahram łajalnaści ŭ «Jeŭrahandli», a paśla hod uznačalvaŭ adździeł markietynhu hipiermarkietaŭ ProStore. U 2021 hodzie Illa kiravaŭ prajektam u «Aŭtastronh-M», byŭ dyrektaram pa markietynhu ŭ «Aŭtapramservisie», dzie vyvodziŭ brend Nissan na rynak Biełarusi, a zatym staŭ viadučym śpiecyjalistam pa markietynhu u banku «Rašeńnie».
Apošnim viadomym miescam jahonaj pracy sa žniŭnia 2022‑ha da lutaha 2024 hoda była IT-kampanija Softvoya, dzie jon kiravaŭ napramkam Customer Success. Jaho zadača była ŭtrymać klijentaŭ, pavysić ich łajalnaść da brenda i źnizić vierahodnaść taho, što jany admoviacca ad pasłuh kampanii.
Karjera pierarvałasia praz palityčny pieraśled. U minułym hodzie mužčynu zatrymali i źmiaścili ŭ SIZA.
Niadaŭna Minski haradski sud vynies jamu prysud pavodle častak 1 i 2 artykuła 361‑4 Kryminalnaha kodeksa Biełarusi (sadziejničańnie ekstremisckaj dziejnaści).
Dzindzikavu pryznačyli 3 hady kałonii.
«Naša Niva» — bastyjon biełaruščyny
PADTRYMAĆPiedahoha-arhanizatara z Homiela, jakaja raniej uznačalvała vajenna-patryjatyčny kłub, asudzili pa troch palityčnych artykułach
Byłoha pamiežnika i kiroŭcu «Transhaza» z Novałukomla asudzili za palityku
Dalnabojščyka ź Lidy, jaki viarnuŭsia ź Jeŭrasajuza, kinuli za kraty pa troch kryminalnych artykułach
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie15
Kamientary